«Al Farabi SmartUniversity" блогтурына қатысып, біліктілігін арттырды
Әл-Фараби атындағы Қазақ ұлттық университеті Ғылыми кітапханасында 29 қараша 2018 жылы «Al-Farabi SmartUniversity блогтуры» болып өтті. Блогтурға Х.Досмұхамедов атындағы Атырау мемлекеттік университеті медиа қызметінің журналисі Айсана НЫҒМЕТ қатысып, біліктілігін арттырып келді.
Ғұлама ғалым әл-Фарабидің қайырымды қала туралы іліміне негізделген «Al-Farabi SmartUniversity – smart city» ғылыми-инновациялық даму моделімен танысты.
Екі күндік бағдарлама аясында блогосфераның танымал өкілдерімен кездесулер, көрнекті ғалымдар, кәсіпкерлер, журналистердің шеберлік сыныптары болып өтті. Блогтурға еліміздің өңірлерінен жас журналисттер мен блогерлер қатысты.
Блогтурдың бірінші күнінде танымал блогерлердің шеберлік сыныптары өтіп, Abai.kz порталының бас редакторы алғы сөз сөйледі. Сонымен қатар Афганистан Ислам Республикасының Алматыдағы бас консулдығының өкілі, мәдениет қайраткері Мохаммад Эхтияр Хамза осы блогтурға қонақ ретінде келіп қатысты. Блогтурды «Массагет» жастар порталының бас редакторы, «Skills Academy» ЖШС директоры, білім беру порталының бас редакторы, Baribar порталының редакторлары сөз сөйлеп, шеберлік сынып өткізді.
Блогтурдың екінші күнінде естелік сыйлықтар табыс етіліп, фотосессия өтіп, жабылуы болып өтті.
ПІКІРЛЕР