Білімнің мініп тұлпарын...

Білімнің мініп тұлпарын...

Білімнің мініп тұлпарын...

Қазіргі заман талабына сай әр студенттің қабілетіне қарай дарындылығын дамыту білім бәйгесінде, дүбірлі жарыстарда мыңнан тұлпар шәкірт шығару – ұстаздардың ерен еңбегінің жемісі. Атырау өңірінің қара шаңырағы, қасиетті білім ордасы Халел Досмұхамедов атындағы Атырау мемлекеттік университеті жоғары оқу орындарының рейтингісінде алдыңғы орындарды иеленіп келеді.

Мұның дәлелі ретінде 11 желтоқсан күні «Филология» және «Қазақ тілі мен әдебиеті» мамандығы студенттердің университетішілік пәндік олимпиадасы болып өтті. Қазақ тілі және әдебиеті кафедрасы бойынша жыл сайын дәстүрлі түрде өтіп келе жатқан аталмыш сайысқа аты аталған мамандықтардың 2,3,4 курс студенттері қатысты.

4 кезеңнен тұратын университетшлік пәндік олимпиада тапсырмалары сайыскерлерге оңайға түспесе керек. Бірінші айналымда әр топ өздерін таныстырса, екінші айналымда қатысушылар   панорамалық сабақтың үлгісін көрсетті. Үшінші айналымда ұсынылған тақырыптардың біреуіне эссе жазу тапсырылса, төртінші турда таңдалған ұяшықтардағы теориялық және әдістемелік сұрақтарға жауап берді. Сайыстың қорытындысы бойынша, филология мамандығының 3-курс студенттерінен құралған «Пирамида» командасы жеңіске жетті. Осы жөнінде олимпиада жеңімпаздары өздерінің алған әсерлерімен, ойларымен бөлісті.

Ермекбай Арайлым:

«Жеңіске жететінімізге сенімді болғанымызбен, іштей қатты қобалжығанымыз рас. Басты қарсыластарымыз 4-курс студенттері болды. Сайыс барысында бізге көбінесе теориялық тапсырмалар қиынға соқты. Жеңіске жеткен сәтте қуанышымызда шек болмады. Мұндай биік тұрғыдан көрінуіміз ұстаздарымыздың еңбегі»,- деп есептейміз.

Мамандықтың даңқын асырып, биік жетістіктерге жеткізер қазақ тілі мен әдебиеті кафедрасының мақтаныштары-олимпиада жүлдегерлері мен талантты да қабілетті ұландарды дер кезінде байқап, дайындаған барлық ұстаздарымызға алғыс айтамыз!

Ендеше осы білім сайысында оқ бойы озық шықққан жеңімпаздарымызға алдағы республикалық білім бәсекесінде жеңіс тілейміз!

Заманбек ШАКИРОВ,

                                               Филология мамандығының 3-курс студенті

ПІКІРЛЕР

Тізімге қайта оралу

АтМу студенттері университеттің проректорлары дайындаған тағамдардан дәм татты

18 Окт 2019 23

Х.Досмұхамедов атындағы Атырау мемлекеттік университетінің проректорлары №3 жатақхананың асханасында кешкі ас дайындады.

Айсұлу Тәжіғалиқызы мерейлі 70 жаста

18 Окт 2019 17

Бүгін Х.Досмұхамедов атындағы Атырау мемлекеттік университетінің Иран орталығында университетіміздің қазақ тілі мен әдебиеті кафедрасының профессоры, ұстаз Айсұлу Тәжіғалиқызының 70 жас мерей тойына арналған жиын өтті.

Ақбаянды жеңісімен құттықтаймыз!

18 Окт 2019 19

Атырауда Жұмекен Нәжімеденов атындағы көркемсөз оқу шеберлерінің республикалық сайысы өтті. Байқауда қатысушылардың көркем мәтінді оқу шеберлігімен қатар, дауыс мәнеріне және тіл тазалығына, көркем мәтінді таңдау талғамы мен сахнада өзін-өзі ұстауына баса мән берілді. Өңірімізде ұйымдастырылған шарада Х.Досмұхамедов атындағы Атырау мемлекеттік университетінің журналистика мамандығының 1 курс студенті Ақбаян Жасұланқызы 3-орынды жеңіп алды. Курс кураторы М.Т.Мукашева.  Ақбаянға алдағы уақытта да бағындырар белестерінің биік болып, жеңіс тұғырынан көрінуіне тілектеспіз.

«Бейне стандарттары әлемдік аренаны қалыптастырады»

18 Окт 2019 12

14 қазан күні  Университеттің 70 жылдығын қарсы алуға арналған 70 қадам бағдарламасы аясында Стандарттау күніне арналған «Бейне стандарттары әлемдік аренаны қалыптастырады» тақырыбындағы  физика, математика және ақпараттық технологиялар факультеті, физика және техникалық пәндер кафедрасының ұйымдастыруымен  дөңгелек үстел болып өтті. Дөңгелек  үстелге  стандарттау және сертификаттау саласындағы мамандар мен 5В073200-Стандарттау және сертификаттау мамандығының студенттері қатысты.

Сыбайлас жемқорлыққа қарсы кездесу өтті

18 Окт 2019 22

Х.Досмұхамедов атындағы Атырау мемлекеттік университетінде "Рухани жаңғыру" бағдарламасы аясында Атырау облыстық Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) жанынан құрылған Республикалық Арнайы мониторинг топтың мүшелерімен  кездесу өтті.