Жазушы Зейнолла Серікқалиевтің 80 жылдығына арналған республикалық конференциясы

Жазушы Зейнолла Серікқалиевтің 80 жылдығына арналған республикалық конференциясы

13 желтоқсан күні Х.Досмұхамедов атындағы Атырау мемлекеттік университетінің АКТ  залында Атырау облысы Мәдениет, архивтер және құжаттама басқармасының ұйымдастыруымен ҚР еңбек сіңірген қайраткері, Халықаралық «Алаш» әдеби сыйлығының лауреаты, жазушы Зейнолла Серікқалиевтің 80 жылдығына орай «Сарабдал сынның сардары» атты республикалық конференциясы болып өтті.

Конференцияға Алматы шаһарынан көрнекті қаламгер, ҚР Жазушылар одағының басқарма төрағасының орынбасары Мереке Әбдешұлы Құлкенов ағамыз бастаған ақын-жазушыларымыз және Зейнолла ағамыздың жары Майра апай, Құрмағазы аудандық әкімдігі, бір топ туыстары мен ағамыздың үзеңгілес достары және шәкірттері қатынасып өз ойларын білдірді.

Конференция барысында арнайы дайындалған баяндамалар оқылды. Баяндамашылар қатарында – көрнекті қаламгер, ҚР Жазушылар Одағы Басқарма төрағасының орынбасары – Мереке Әбдешұлы Құлкенов, белгілі сыншы Қазақстанның еңбек сіңірген қайраткері, ҚР Жазушылар Одағының хатшасы, филология ғылымдарының докторы, профессор – Қадыр Өтегенұлы Жүсіп, жазушы драматург, Қазақстанның еңбек сіңірген қайраткері – Дидар Амантайұлы Қосылбеков, ақын Қазақстан Жазушылар Одағы Атырау облыстық филиалының директоры – Қойшғұл Өмірұлы Жылқышиев, З.Серікқалиев атындағы мектеп-интернатының тарих пәні мұғалімі - Өтепов Айбек болды.

Конференция соңында қорытынды сөз Зейнолла ағамыздың жары Майра Бірлянқызы Сатыбалдиеваға берілді.

 

ПІКІРЛЕР

Тізімге қайта оралу

Құттықтаймыз!

17 Май 2022 32