iSpace бизнес-инкубаторы Британдық Кеңестен 50,000 фунт стерлинг көлемінде грант жеңіп алды

iSpace бизнес-инкубаторы Британдық Кеңестен 50,000 фунт стерлинг көлемінде грант жеңіп алды

iSpace бизнес-инкубаторы Британдық Кеңестен 50,000 фунт стерлинг көлемінде грант жеңіп алды

Атырау мемлекеттік университетінің iSpace бизнес-инкубаторы Лестер Университетімен серіктесе (University of Leicester, UK) Британдық Кеңестің Creatıve Spark гранттық бағдарламасының жеңімпаздары атанды.

Creative Spark: жоғары оқу орындарына арналған кәсіпкерлікті дамыту жөніндегі бағдарлама – бұл Біріккен Корольдіктің қолдауымен жеті елде, соның ішінде Орталық Азияда (Қазақстан, Өзбекстан, Қырғызстанда), Оңтүстік Кавказда (Әзірбайжан, Армения, Грузияда) және Украинада кәсіпкерлік машықтарды және креативті экономиканы дамыту мақсатымен халықаралық университеттерге қолдау көрсету және халықаралық әріптестіктерді дамыту жөніндегі бес жылдық бастама.
Осы жеті елде жоғары білім беру саласындағы реформаларды қолдау және жұмысқа орналастыру проблемасын шешуге жәрдемдесу үшін біз кәсіпкерлік саласында білім беруді дамыту үшін Біріккен Корольдіктің тәжірибесін пайдаланамыз. Осылайша біз бағдарламаның бірінші жылының ішінде 10 000 студент пен жас кәсіпкерге қолдау көрсетеміз.
БАҒДАРЛАМА НЕГІЗГІ ҮШ ЭЛЕМЕНТТЕН ТҰРАДЫ:
1. Кәсіпкерлік машықтарға үйретуге қолдау жасау және кәсіпкерлік орталықтарын құру үшін Біріккен Корольдіктегі және бағдарламаға қатысатын елдердегі университеттер мен креативтік институттардың арасындағы әріптестіктерді дамыту.
2. Студенттер мен креативтік кәсіпкерлерге арнап идеялар питчингі, бизнес құру, зияткерлік меншікті қорғау және кредит алу сияқты тақырыптарды қамтитын кәсіпкерлік бойынша оқу бағдарламаларын әзірлеу.
3. Цифрлық оқу ресурстарына, соның ішінде оқу платформаларына, онлайн курстарға және көпшілік қатысатын қашықтан оқытатын ашық курстарға қолжетімділік беру арқылы ағылшын тілін оқытып, бұл орайда кәсіпкерлерге арналған ағылшын тіліне баса назар аудару.
Creative Spark Британдық кеңеспен басқарылады және қаржыландырылады.
«Айта кетелік, барлық қатысушы елдерден жүз өтінімнің ішінен тек 20-ы ғана мақұлданды. Бұл гранттық бағдарлама кәсіпкерлік және инновациялық қызметті жандандыруды көздейді. Біздің жобамызда британдық мамандардың қатысуымен әлемдік жетекші әдістерде стартаптар мен кәсіпкерлерге арналған тренинг бағдарламаларын дайындау, сондай-ақ конференциялар өткізу және тәжірибе алмасу қарастырылған. Және ең бастысы - АтМУ студенттері мен қызметкерлері үшін ағылшын тілін тегін оқыту. Бағдарламаға қатысу үшін, кез-келген адам 4-ғимаратта орналасқан iSpace Business Incubator-ге келіп тіркей алады», - деді бизнес инкубатордың жетекшісі Шилибекова Ұлжан.

Толығырақ ақпаратты Creative Spark парақшасында және Британдық Кеңестің веб-сайтында таба аласыз.

ПІКІРЛЕР

Тізімге қайта оралу

Халық қасіреті – ел жадында

25 Июн 2019 9

29-31 мамыр аралығында Алматы қаласы Қазақстан Республикасының Ұлттық кітапханасында 31 мамыр – Саяси қуғын-сүргін және ашаршылық құрбандарын еске алу күніне орай «Ашаршылық пен үлкен террордың тарихи сабақтары» атты халықаралық ғылыми-тәжірибелік конференция жұмысына  орталық директоры, т.ғ.д., ппрофессор А.Ахмет қатынасты.

«Қазақстан дамуының 10 бағыты»

25 Июн 2019 7

Осындай тақырыппен кеше Х.Досмұхамедов атындағы Атырау мемлекеттік университетінің «Әзербайжан мәдени орталығында» Қазақстан Республикасы Президенті Қ.К.Тоқаевтың ұлықтау рәсіміндегі белгіленген жоспарын талқылауға байланысты дөңгелек үстел болып өтті.

Жас өрендер Қадыр Жүсіппен жүздесті

24 Июн 2019 25

Бүгін Х. Досмұхамедов атындағы Атырау мемлекеттік университетінде қазақ тілі және әдебиеті кафедрасының профессоры, филология ғылымдарының докторы, ақын Қадыр Жүсіппен кездесу өтті.

БАҚ арасындағы бәсеке

24 Июн 2019 23

23 маусым күні Атырауда облыстық әкімшіліктің қолдауымен, Ішкі саясат басқармасының ұйымдастыруымен «Байланыс және ақпарат қызметкерлері» күніне арналған  БАҚ өкілдері арасында спорттық ойындар жарысы өтті.