Жемқорлыққа қарсы технологиялар зертханасы ашылды
12 желтоқсан күні Х.Досмұхамедов атындағы Атырау Мемлекеттік университетінде «Саналы ұрпақ – жарқын болашақ» жемқорлыққа қарсы технологиялар зертханасы ашылды.
Мақсаты – студенттерді сыбайлас жемқорлыққа қарсы күресуге дағдыландыру. Осы жоба аясында «Адал ұрпақ» студенттік клубы құрылды. «Адал ұрпақ» клубы студенттерге адалдық ұғымын насихаттап, әділдік тура жолмен жүруге шақырады.
«Саналы ұрпақ» орталығының салтанатты ашылуына Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің ақпарат басшысы Ахметжанов Саян Қылышұлы, Атырау облысы әкімінің орынбасары Таубаев Нұрлан Бақтыбайұлы, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Атырау облысы бойынша департаментінің басшысы , әдеп жөніндегі кеңес төрағасы Жұмағұлов Тоқтамыс Қадошұлы, Х.Досмұхамедов атындағы Атырау мемлекеттік университетінің ғылым жөніндегі проректоры Идрисов Саламат Нұрмұқанұлы қатысып, өз тілектерін білдірді.
ПІКІРЛЕР