Батыс өлке тарихының тағылымды беттері

Батыс өлке тарихының тағылымды беттері

Батыс өлке тарихының тағылымды беттері

Х.Досмұхамедов атындағы Атырау мемлекеттік университетінің №1 студенттер үйінде ерекше кітаптың  тұсаукесер рәсімі өтті. Атырау өңірінде білім саласы тарихын және жазықсыз қудаланған мұғалімдер тағдырын зерттеумен танымал тарихшы-ұстаз Шахман Нағымұлының жаңа кітабы оқырмандарына жол тартты.

«Рухани жаңғыру» бағдарламасы аясында жарық көрген «Батыс өлке тарихының тағылымды беттері» кітабы бойынша 11 желтоқсанда студенттер арасындағы кітаптың таныстырылымын Қазақстан және дүниежүзі тарихы кафедрасы мен «Атамекен» жас тарихшылар клубы ұйымдастырды. Іс-шараны университеттің ғылыми жұмыстар жөніндегі проректоры Саламат Идрисов ашып, ғалымның қаламынан туындаған кітаптардың барлығының да қалың оқырман үшін де, зерттеушілер үшінде деректік құндылықтарының жоғары екендігін атап өтті.

Төрт бөлімнен тұратын кітаптың бірінші бөлімі «Батыс Алашорда қайраткерлері және халық мұғалімдері», екінші бөлімі «Ағарту саласына үлес қосқан тұлғалар», үшінші бөлімі «Жазаға ұшыраған дін иелері және олардың ұрпақтары», төртінші бөлім «Түркістан легионында» болғаны үшін жазаланған тұлғалар» деп аталады. Барлық бөлімдер де құнды деректер негізінде тарихтың бұрын беймәлім парақтарынан сыр тартқан.

«Тарих» мамандығының студенттері Жанар Мадиева «Менің өткен жолдарым», Айзада Алменова «Жүректеріне кек сақтамаған Қазалы мен Димаштың тағдыры», Айдана Меңдіғалиева «Қосшиев Тауман Қосшыұлы», Марина Аманжолова «Өнегелі өмір жолдары» тақырыбындағы әңгімелердің мазмұнына тоқталып, өздеріне әсер еткен тұстарын баяндап берді.

Сонымен қатар тамаша кешке келген кітап кейіпкерлерінің бірі Қазалы мен Дәмештің ұрпағы Айтқаным, Тауман Қосшиевтің жиені Назарбек Қосшиев ата-бабасының өнегелі өмір жолдарын қазіргі ұрпаққа зерттеу арқылы жеткізген ғалымға роизашылықтарын білдірді. Тарих ғылымдарының докторы Әбілсейіт Мұқтар, ауылшаруашылық ғылымдарының докторы Бақтыбек Таубаев, облыс ардагері Абат Кенжеғали жаңа туындымен танысқаннан кейінгі ойларымен бөлісті. Қатысушылар кітаптың жазу стилі мен оқиғаны баяндаудағы шеберлікпен қатар еңбектің жаңа деректік ақпараттың шоғырлануымен ерекшеленетіндігін атап өтті.

Кездесу соңында кітап авторына «Рухани жаңғыру» өңірлік жобалық кеңесесі, университет проректоры атынан алғыс хаттар, баяндамашы студенттерге де алғыс хаттары табысталды.

Амангелді ЖУМАБАЕВ,

«Атамекен» клубының жетекшісі

ПІКІРЛЕР

Тізімге қайта оралу

Меморандумға қол қойылды

23 Июл 2019 5

Атырау облыстық полиция басқармасы, Х. Досмұхамедов атындағы Атырау мемлекеттік университеті мен М.Бөкенбаев атындағы Қазақстан Республикасы Ішкі істер министрлігінің Ақтөбе заң институты арасында үш жақты меморандумға қол қойылды

Құттықтаймыз! Эльмираның туындылары Кипр төрінде

17 Июл 2019 84

Біздің университетіміздің «Бейнелеу өнері және дизайн» кафедрасының аға оқытушысы, магистр, «Болашақ» бағдарламасының түлегі, суретші Жұмабаева Эльмираның картиналары Кипрдегі өнер музейіне қабылданды.

«ЖАҢА ГУМАНИТАРЛЫҚ БІЛІМ. ҚАЗАҚ ТІЛІНДЕГІ 100 ЖАҢА ОҚУЛЫҚ»

16 Июл 2019 95

Елбасының «Болашаққа бағдар: рухани жаңғыру» бағдарламасы аясында «Жаңа гуманитарлық білім. Қазақ тіліндегі 100 жаңа оқулық» жобасы бойынша«Ұлттық аударма бюросы»  қоғамдық қорынан ғылыми кітапханаға ағылшын тілінен қазақ тіліне аударылған 30 атау (145 данамен) келіп түсті.
Барлығы 4350 кітап.

Мәжіліс депутаты университетімізде

10 Июл 2019 98

ҚР Парламент мәжілісінің депутаты Сапарова Әлия Сүйіндікқызы Атырауға келген іс-сапарында Х.Досмұхамедов атындағы Атырау мемлекеттік университетінде қонақта болды.

66 жасар түлек

9 Июл 2019 87

Таяуда «Атырау-Ақпарат» баспасөз клубында Х.Досмұхамедов атындағы Атырау мемлекеттік университеті журналистика мамандығының 66 жасар студенті Тұрғали Сатқанбаевтың «Жоғалған жұлдыз» атты өлеңдер жинағының тұсауы кесілді.