Ұлы дала батырлары есімі зерттеле бермек

Ұлы дала батырлары есімі зерттеле бермек

Ұлы дала батырлары есімі зерттеле бермек

"Нұр Отан" партиясы Атырау облыстық филиалы жанынан құрылған саясаттанушылар орталығының ұйымдастыруымен Х.Досмұхамедов атындағы Атырау мемлекеттік университетінің профессоры, тарихшы-өлкетанушы Амангелді Шамғоновтың "Ұлы дала батыры – Тайманұлы Исатай" атты кітабының таныстырылымы өтті.

10 желтоқсан күні өткен іс-шараны ашқан Саясаттанушылар орталығының жетекшісі, университеттің Қазақстан және дүниежүзі тарихы кафедрасының меңгерушісі Лесқали Бердіғожин жақында ғана жарық көрген Мемлекет басшысының "Ұлы даланың жеті қыры" мақаласына кеңірек тоқталды. Ел азаттығы үшін күресқан қазақ батыры Исатай Тайманов туралы еңбектің авторы Амангелді Шамғонов жан-жақты талдап, жаңа кітабын оқырман қауымға таныстырды. Атырау университеті «Тарих, археология және этнология» орталығының директоры, тарих ғылымдарының докторы Сайфолла Сапанов еңбектің тарихнамасына сараптама жасап, зерттеушінің ғылыми жұмыстарына тоқталып өтті. Университет магистранты Әділбек Өмірзақов "Ұлы даланың жеті қыры" мақаласымен тұспа-тұс жарық көрген еңбектің жас ғалымдардың зерттеулеріне таптырмайтын еңбек екенін атап өтті. Тарих мамандығының студенті Жолболды Сейдіғаппар ғалымның бүгінгі жас ұрпақпен кездескеніне зор ризашылығын білдірді.

Университет ғылыми кітапханасының мамандары Амангелді Шамғоновтың ғылыми еңбектерінің көрмесін ұйымдастырып, көпшіліктің назарына ұсынды.

Сонымен қатар іс-шараға қатысушылар жаңа кітаппен танысуға мүмкіндік жасаған "Нұр Отан" партиясы Атырау облыстық филиалы қызқметкерлеріне ризашылықтарын білдірді.

Таныстырылым соңында қатысушылар ғалыммен естелік суретке түсті.

 

Әділбек ӨМІРЗАКОВ,

тарих мамандығы 2-курс магистранты

ПІКІРЛЕР

Тізімге қайта оралу

АтМу студенттері университеттің проректорлары дайындаған тағамдардан дәм татты

18 Окт 2019 16

Х.Досмұхамедов атындағы Атырау мемлекеттік университетінің проректорлары №3 жатақхананың асханасында кешкі ас дайындады.

Айсұлу Тәжіғалиқызы мерейлі 70 жаста

18 Окт 2019 17

Бүгін Х.Досмұхамедов атындағы Атырау мемлекеттік университетінің Иран орталығында университетіміздің қазақ тілі мен әдебиеті кафедрасының профессоры, ұстаз Айсұлу Тәжіғалиқызының 70 жас мерей тойына арналған жиын өтті.

Ақбаянды жеңісімен құттықтаймыз!

18 Окт 2019 19

Атырауда Жұмекен Нәжімеденов атындағы көркемсөз оқу шеберлерінің республикалық сайысы өтті. Байқауда қатысушылардың көркем мәтінді оқу шеберлігімен қатар, дауыс мәнеріне және тіл тазалығына, көркем мәтінді таңдау талғамы мен сахнада өзін-өзі ұстауына баса мән берілді. Өңірімізде ұйымдастырылған шарада Х.Досмұхамедов атындағы Атырау мемлекеттік университетінің журналистика мамандығының 1 курс студенті Ақбаян Жасұланқызы 3-орынды жеңіп алды. Курс кураторы М.Т.Мукашева.  Ақбаянға алдағы уақытта да бағындырар белестерінің биік болып, жеңіс тұғырынан көрінуіне тілектеспіз.

«Бейне стандарттары әлемдік аренаны қалыптастырады»

18 Окт 2019 11

14 қазан күні  Университеттің 70 жылдығын қарсы алуға арналған 70 қадам бағдарламасы аясында Стандарттау күніне арналған «Бейне стандарттары әлемдік аренаны қалыптастырады» тақырыбындағы  физика, математика және ақпараттық технологиялар факультеті, физика және техникалық пәндер кафедрасының ұйымдастыруымен  дөңгелек үстел болып өтті. Дөңгелек  үстелге  стандарттау және сертификаттау саласындағы мамандар мен 5В073200-Стандарттау және сертификаттау мамандығының студенттері қатысты.

Сыбайлас жемқорлыққа қарсы кездесу өтті

18 Окт 2019 21

Х.Досмұхамедов атындағы Атырау мемлекеттік университетінде "Рухани жаңғыру" бағдарламасы аясында Атырау облыстық Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) жанынан құрылған Республикалық Арнайы мониторинг топтың мүшелерімен  кездесу өтті.