«Тау тұлғалы Тауман Амандосов»
2018 жылы 4 желтоқсан күні Х. Досмұхамедов атындағы Атырау мемлекеттік университетінің журналистика кафедрасының және «Жалын» жас журналистер ұйымының студенттері қазақ журналистикасының алыбы Тауман Амандосовтың туғанына 97 жыл толуына орай ЖШС «Атырау-Ақпарат» медиа-мектебінде дөңгелек үстел ұйымдастырды.
Шараның мақсаты – Тауман Амандосовтың шығармашылығымен кеңінен танысу, студенттерді журналист, филология ғылымдарының докторы, профессор, Қазақ КСР – і Жоғары мектебінің еңбек сіңірген қызметкері Тауман Салықбайұлы Амандосовтың өнегелі өмірі мен еңбек жолына арналған баяндамалармен таныстыру.
Дөңгелек үстелдің қонақтары - Журналистика кафедрасының меңгерушісі, ф.ғ.к Мәншүк Тынышқалиқызы, облыстық «Атырау» газеті бас редакторының орынбасары Жолдасбек Шөпеғұл және «Атырау» газетінің қоғамдық саяси бөлімінің меңгерушісі Бақытжан Жұмат Тауман Амандосовтың шәкірттері ретінде өз естеліктерімен бөлісті.
Н. Тілендиев атындағы кіші өнер академиясының 10 сынып оқушысы Зейнолла Надежда «Өнегелі өмір» атты тақырыпта өз баяндамасын жасады. Журналистика мамандығының 1 курс студенті Нұроллаева Ақтілек Тауман Амандосовтың шығармашылығына шолу жасап, 2 курс студенті Сарсенова Асылай Тауман Амандосовтың публицистикасымен таныстырды. 3 курс студенті Меңдіғалиева Құндыз «Тауман Амандосов аудармаларының ерекшелігі» атты тақырыбында баяндамасын жасады.
Дөңгелек үстелге келген қонақтар болашақ жас журналистерге алдағы уақытта Т.Амандосовтың тың еңбектерін әлі де зерттеп, зерделей түсуге кеңес берді. Шара соңында белсене қатысқан студенттерге арнайы сертификаттар табысталды.
Асылай СӘРСЕНОВА,
журналистика мамандығының 2 курс студенті
ПІКІРЛЕР