«Жас географ» облыстық конкурсы

«Жас географ» облыстық конкурсы

«Жас географ» облыстық конкурсы

2018 жылдың 30-қарашасында Х.Досмұхамедов атындағы Атырау мемлекеттік университетінде мектеп оқушылары арасында «Жас географ» облыстық конкурсы өтті. Облыстық конкурсты «облыстық әдістемелік орталық» әдіскері Ситалиев Асылбек және «География, туризм су ресурсы» кафедрасы оқытушылармен бірлесе отырып ұйымдастырды.  Конкурсқа облыстың 7 ауданынан және Атырау қаласынан 12 команда жиналды. Ол тестілік сұрақтарды орындау және практикалық тапсырмаларды шешу түрінде өтті. Ережеге сәйкес 9-11 сынып оқушылары аудандық және қалалық жарыстардың жеңімпаздары, яғни үздік шеберлері қатысты. Биылғы жылы конкурсқа  36 оқушы - 36 география пәні мұғалімдері қатысты.

Жас географтардың облыстық байқауы – оқушыларға географиялық ойлауды, олардың танымдық белсенділігін және шығармашылық қызметін дамытуға және облыстық,республикалық олимпиадаға оқушыларды дайындауға мүмкіндік береді. Конкурсқа қатысу балалардың жердің көп қырлы келбетін зерттеуге қызығушылығын тудырады. Конкурсқа дайындық барысында оқушылар тек оқулықтар мен атлас карталарымен ғана емес, танымал ғылыми-анықтамалық әдебиеттерімен, сондай-ақ статистикалық материалдармен жұмыс жасай отырып, өз көзқарастарын білдіруге үйренді және географиялық мәселелерді шешті.

Теориялық сұрақтарды шешуде және практикалық тапсырмаларға жауап беру кезінде оқушылар көзқарастарын ұсынып, дәлелдей алды. Бұл жарыс қатысушыларға белгілі фактілерді жинақтап, географияның әр түрлі бағыттарынан алынған білімдерді пайдалануды талап етті. Қатысушылар барлық тапсырмалар бойынша жақсы жұмыс жасап, өздерінің аудандары мен мектептерін жақсы дәрежеде көрсете білді. Жас географ сайысы тек іс-шара ғана емес, география үшін өз білімін көрсететін үлкен мереке болды.

Бұл олимпиадаға әділ қазылар мүшелері Х.Досмұхамедов атындағы Атырау мемлекеттік университетінің профессор-оқытушылары г.ғ.к. Нургалиева Гүлшат Жалғабайқызы, п.ғ.к. Баймукашева Ғайни Қонысбайқызы қатысушылардың жауаптарын сараптап, теориялық білімдерінің практика жүзінде қолданылуын бағалады.

Олимпиада нәтижелерін Х.Досмұхамедов атындағы Атырау мемлекеттік университетінің әкімшілік департамент директоры Жумагазиев Арман Закарияевичтің төрағалық етуімен бір ауыздан 9 сынып арасында 1-ші орынды Қызылқоға ауданы Кенбай орта мектебінің оқушысы Тезекбаева Мөлдір иеленді. Ал 10-11 сынып оқушылары арасында «Білім-инновация» облыстық лицей интернатынан қатысқан Нурмаганбет Асқарбек және Ордабай Мадиярға тең келер ешкім болмады. Жалпы қатысушылар арасында 2ші және 3ші дәрежелі орындарға өз білімдерімен көзге түскен Қызылқоға, Жылыой және Исатай аудандарының оқушылары болды. Олимпиадаға қатысу арқылы оқушылар география пәнін жай ғана мектеп пәні ретінде ғана емес, ауқымды ғылым саласы ретінде қабылдады. Көптеген оқущылар өз мамандықтарын тандай білді. Сондай-ақ, Х.Досмұхамедов атындағы Атырау мемлекеттік университетіне түсуге қызығушылықтары артты.

Сонымен қатар қатысушылар байқаудан басқа университет базасының мәдени бағдарламасымен танысты. Университет қызметкерлерімен пікір алмасты.

Атырау қаласында өткен бұл сайыс қатысушыларға жаңа достар тауып, жарқын естеліктер қалдырғанына сенімдіміз!

 

А.Ж.Мустафина,

география туризм және су ресурсы кафедрасы


ПІКІРЛЕР

Тізімге қайта оралу

АтМу студенттері университеттің проректорлары дайындаған тағамдардан дәм татты

18 Окт 2019 41

Х.Досмұхамедов атындағы Атырау мемлекеттік университетінің проректорлары №3 жатақхананың асханасында кешкі ас дайындады.

Айсұлу Тәжіғалиқызы мерейлі 70 жаста

18 Окт 2019 25

Бүгін Х.Досмұхамедов атындағы Атырау мемлекеттік университетінің Иран орталығында университетіміздің қазақ тілі мен әдебиеті кафедрасының профессоры, ұстаз Айсұлу Тәжіғалиқызының 70 жас мерей тойына арналған жиын өтті.

Ақбаянды жеңісімен құттықтаймыз!

18 Окт 2019 31

Атырауда Жұмекен Нәжімеденов атындағы көркемсөз оқу шеберлерінің республикалық сайысы өтті. Байқауда қатысушылардың көркем мәтінді оқу шеберлігімен қатар, дауыс мәнеріне және тіл тазалығына, көркем мәтінді таңдау талғамы мен сахнада өзін-өзі ұстауына баса мән берілді. Өңірімізде ұйымдастырылған шарада Х.Досмұхамедов атындағы Атырау мемлекеттік университетінің журналистика мамандығының 1 курс студенті Ақбаян Жасұланқызы 3-орынды жеңіп алды. Курс кураторы М.Т.Мукашева.  Ақбаянға алдағы уақытта да бағындырар белестерінің биік болып, жеңіс тұғырынан көрінуіне тілектеспіз.

«Бейне стандарттары әлемдік аренаны қалыптастырады»

18 Окт 2019 17

14 қазан күні  Университеттің 70 жылдығын қарсы алуға арналған 70 қадам бағдарламасы аясында Стандарттау күніне арналған «Бейне стандарттары әлемдік аренаны қалыптастырады» тақырыбындағы  физика, математика және ақпараттық технологиялар факультеті, физика және техникалық пәндер кафедрасының ұйымдастыруымен  дөңгелек үстел болып өтті. Дөңгелек  үстелге  стандарттау және сертификаттау саласындағы мамандар мен 5В073200-Стандарттау және сертификаттау мамандығының студенттері қатысты.

Сыбайлас жемқорлыққа қарсы кездесу өтті

18 Окт 2019 32

Х.Досмұхамедов атындағы Атырау мемлекеттік университетінде "Рухани жаңғыру" бағдарламасы аясында Атырау облыстық Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) жанынан құрылған Республикалық Арнайы мониторинг топтың мүшелерімен  кездесу өтті.