Облыс әкімімен бейресми кездесу
28 қарашада Атырау облысы әкімі Н.А.Ноғаев пен мемлекеттік қызмет мектебінің өкілдері арасында Ғ.Сланов атындағы облыстық кітапханада «Галстуксыз» тақырыбында бейресми кездесу өтті.
Кездесуге Х.Досмұхамедов атындағы Атырау мемлекеттік университеті Экономика және құқық факультеті Мемлекеттік және жергілікті басқару мамандығының 3-4 курс студенттері қатысты. Мұндай формадағы жиналыстар регламенттің ырқына көне қоймайды, сондықтан оның негізгі спикері Ноғаевқа шыдамдылық танытуға тура келгені таң қаларлық емес. Оның марафондық төзімділігіне лайықты бағасын беру керек: қатысушылар да төзімділік танытып, екі сағаттық кездесудің соңына дейін ешкім орнынан қозғалған жоқ. Кездесу өте қызықты өтті, облыс әкімі өз өмірінен қызықты деректер айтты. Мемлекеттік қызметшінің әдебі туралы сөз қозғап, болашақ мемлекеттік қызметшілерді халыққа адал қызмет етуге шақырды.
ПІКІРЛЕР