Студент жастардың психикалық денсаулығы тақырыбы аясында

«Кәсіби оқытудағы психологиялық технологиялар» зертханасының жетекшісі доценті С.К.Нурмукашева «Рухани жаңғыру» бағдарламасының аясында «Студент жастардың психикалық денсаулығының психологиялық мәселелері» атты тақырыпта университет көлемінде семинар өткізді.

Семинарға барлық факультеттің студенттері мен профессор-оқытушылары және арнайы шақырылған мамандар: Атырау облыстық психикалық денсаулық орталығының дәрігер-психологы Ш.Х.Наушабаева, қоғамдық «Bilim Foundation» қорының дәрігер-психиатры Ганижамал Байболатовна және осы қоғамның кардинаторы, дәрігер З.Қ.Султанғалиева, «Ана үйі» қоғамдық қорының психологы Г.Сахилақызы, «Салауатты өмір салтын қалыптастыру орталығының» директоры С.Муссева және агротехникалық, педагогикалық колледждің психологтары қатысты.

Семинар барысында психология ғылымының өзекті мәселелерінің бірі психикалық және психологиялық денсаулық мәселелері теориялық-практика-лық тұрғыда талданды.

Заманауи жағдайларда студент жастардың психикалық денсаулығының жай-күйі және психикалық денсаулықтың бұзылуына ықпал ететін түрлі психологиялық жағдайлар мен мотивтер қарастырылып, оны коррекциялаудың жолдары талқыланды.

Семинардың ерекшелігі – зертхана ұжымының «Диагностикалық» бөлімі университететтің 6 факультетінен түрлі мамандықтар бойынша 300 студентті қамтып, «Психикалық денсаулығыңыз қалай?» атты тақырыпта эксперименталды зерттеу жұмыстарының нәтижелері көрсетілді.

Семинар аясында зертхана ұжымының коррекциялық бөлімі және 3 және 4 курс волентерлік топтың студенттері психикалық денсаулықты түзетуге арналған арттерапия мен тренингтер жүргізді.

 

Асылжан САБИТОВА, «Кәсіби оқытудағы психологиялық
технологиялар» зертханасының волентері
3- курс психология мамандығының
студенті

ПІКІРЛЕР

Тізімге қайта оралу

ҚҰТТЫҚТАЙМЫЗ!

23 Окт 2020