Дін мен дәстүр – ұлттың рухани діңгегі
Х.Досмұхамедов атындағы Атырау мемлекеттік университеті гуманитарлық ғылымдар және өнер факультетінің тарих, журналистика мамандықтары студенттері үшін Қазақстан мұсылмандары діни басқармасының Атырау облысы бойынша өкілі Батыржан қажы Мансуровпен дөңгелек үстел ұйымдастырылды.
Жиында қазіргі қоғамдағы діни ахуалға, дәстүрлі дініміз бен теріс экстремистік діни ағымдардардан сақтану, дәстүрлі дінді экстремистік ағымдардан ажырата білудің маңызы, діни сауаттылық жайында жан-жақты пікір алмасулар болды.
Дін мен дәстүр тақырыбындағы ашық пікір алмасу студенттердің қызығушылығын тудырып, көптеген сауалдарға ғылыми түсініктер алды. Діни қызметімен қатар ғылыми ізденістермен де айналысып жүрген Батыржан Мансуров әл-Фараби атындағы Қазақ ҰУ-де докторлық диссертациясын қорғап, PhD академиялық дәрежесін алған, қазіргі кездегі еліміздегі дін саласындағы аса білікті мамандардың бірі. «Отанды сүю – иманнан» дегендей, кездесуге қатысқандарға Отан, туған жер, туған ел, білім, ар, ұят, намыс, мәдениет, сыйластық, адамға құрмет, жақсылық ұғымдарына жан-жақты сипаттама бере отырып, діни кітаптар ақпараттары мен пайғамбарлар дәуірі аңыздарын ғылыми дерек-талдаулармен түсіндірген дәріс дін мен дәстүр тақырыбында маңызды мәселелерді қозғап, тәрбиелі ой салды.
Қазақстан және дүниежүзі тарихы кафедрасы ұйымдастырған дәріске факультеттің аталған мамандықтарының 3-4 курс студенттері қатысты.
Факультет деканы Г.Кайргалиева студенттер үшін өзекті тақырыпқа арнайы дәріс оқыған облыс имамы Батыржан қажыға ризашылығын білдіріп, университет басшылығы атынан Алғыс хат тапсырды.
ПІКІРЛЕР