Атырау – алтын бесігім!
15 қараша күні Х.Досмұхамедов атындағы университеттің акт залында «Атырау – алтын бесігім» атты тақырыптық кеш өтті.
Кештің мақсаты тарихи санасы қалыптасқан, отан сүйгіштік, патриоттық сезімдері мен ұлттық рухы жоғары, шығармашыл жеке тұлға тәрбиелеу,туған жерге, елге деген құрмет сезімін тәрбиелеу.
Өз Отанын мақтаныш ете білу, Атырау қаласының тарихымен, жер байлықтарымен таныстыру, тіл байлықтарымен сөздік қорларын толықтыру.
«Атамекен», «Отан», «Туған жер» деген жүректен шыққан асыл сөздерді мақтанышпен, асқақтықпен айта аламыз. Себебі әркімнің туған жері – Мысыр шаһары деп, бекер айтылмаса керек. Қасиетті де киелі, қазыналы өлке, ару қалам Атырау – менің ата-бабамның мекені.
Тарих кеші үнемі жаңаланып отырады. Десе де ұмытылмайтын, ескермейтін тарихи оқиғалар болады. Соның бәрі әлемді дүр сілкіндірген екінші дүниежүзілік соғыстың қасіреті мен ұлы Жеңістің қасиетін, батыр ағаларымыз бен апаларымыздың ерлігін ешкім де ешқашан ұмытпақ емес.
Туған жер жайлы жыр да, қара сөзбен жазылған шығармалар да әрбір халықтың әдебиетінде молынан кездеседі. Бұдан біз әр халықтың туған жерін ардақ тұтып, анасындай қастерлейтінін байқағандаймыз. Біздің қазақ халқы да туған жер қадірін жас ұрпақ бойына, санасына бала кезінен-ақ сіңіруге ұмтылатындығын туған жер жайлы мақал-мәтелдерден, аңыз әңгімелерден, батырлар жырынан көреміз. Бұлардың бәрінен шығатын қорытынды әркімге туған жері, туған елі қымбат.
Өткізілген шарада, электронды презентация, Атырау туралы бейнебаян, Махамбеттің жыры, Фариза Оңғарсынова мен Хиуаз Доспановаға арналған өлең шумақтары,Табылды Досымовтың әндері және соғыс жылдарындағы әндер, шырқалды.
Тақырыптық кешке қатысқандар :Әскери кафедрасының оқытушылары және студенттері қатынасты.
ПІКІРЛЕР