Инклюзивті музыкалық білім берудің өзекті мәселелері
Х.Досмұхамедов атындағы Атырау мемлекеттік университеті «Музыка және өнер» кафедрасының ұйымдастыруымен инклюзивті музыкалық білім берудің өзекті сұрақтарына арналған республикалық ғылыми-әдістемелік семинар өтті.
9-қарашада өткен семинар жұмысына Алматы қаласынан Қазақстан Республикасының еңбек сіңірген қайраткері, дәстүрлі әнші, филология ғылымдарының кандидаты Сәуле Жанпейісова, Ақтөбеден Қ.Жұбанов атындағы өңірлік мемлекеттік университетінің доценті, педагогика ғылымдарының кандидаты Нұржамал Мукеева мен магистр Алтынгүл Жартыбаева арнайы шақырылды. Семинарға Атырау облысының барлық аудандарынан және Атырау қаласындағы мектептердің музыка пәніне дәріс беруші мұғалімдері қатысты. Бүгінгі таңда мектепте музыкалық білім беруде инклюзивті балалармен жұмыс жасаудың ерекшілектері мен әдістемелік мәселелері өзекті болып табылады. Атырау университетінде өнер мамандықтарында оқып жатырған зағип студенттермен жұмыс жасаудың тәжірибесімен музыка және өнер кафедрасының доценті Сүйінғарина Тамара Мұқанқызы бөлісті. Сонымен қатар семинар барысында ғалымның инклюзивті білім алушыларға арналған аудиодәрістер курсының тұсауы кесілді. Семинар соңында барлық қатысушыларға арнайы сертификаттар берілді.
ПІКІРЛЕР