09.11.2018 1285

         Ұлттық валюта – еліміздің даму көзі, әлемдік деңгейге теңелудің алғашқы факторларының бірі. Ол барлық уақытта тәуелсіздігімізді қамтамасыз етеді.

Қазақстан Республикасы үшін мән-маңызы жағынан беделі жоғары бір күн бар. Ол - ұлттық Валютамыз теңгенің айналымға енген күні. Осы атаулы күні Қаржы және есеп кафедрасының профессор-оқытушылар құрамы және студенттері банк өкілдерімен кездесу ұйымдастырды. Атаулы шараға «Bank RBK» АҚ АФ –ның директоры Г.Н.Сагиденова, «Банк ЦентрКредит» АҚ АФ-ның директорының орынбасары А.К.Кешибаева, «Сбербанк» АҚ АФ-ның директорының орынбасары А.Б.Сисенгалиева, «Fortebank» АҚ АФ-ның бас бухгалтері Л.А.Кенжиева, «Цеснабанк» АҚ АФ-ның операциялық бөлім басшысы Э.М.Елеубаева қатысты. Қаржы және есеп кафедрасының студенттері ұлттық теңгеміздің пайда болу тарихы, тыңдаушылардың ұлттық мақтаныш сезімін тәрбиелеу мақсатында теңгенің құндылығы туралы айтып өтті. Сөз соңында Қаржы және есеп кафедрасының меңгерушісі, э.ғ.к. Э.М.Адиетова: «Ұлттық теңгені ұлттық құндылық ретінде бағалап, егемендігіміздің айрықша белгісі ретінде – мақтаныш сезімімізді жүрегімізге ұялата білуіміз – бәріміз үшін парыз деп санаймын» деп, мерекелік шараны аяқтады.

Тізімге қайта оралу