Елбасы Жолдауын талқылау
2018 жылдың 19 қарашасында 5В050600-Экономика мамандығы 306 топ студенттері э.ғ.м., топ кураторы, Экономика кафедрасының аға оқытушысы А.А.Карамулдинаның жетекшілігімен, сонымен қатар №4 оқу ғимаратындағы кітапхананың оқу залының меңгерушісі Р.Ж.Ергужиеваның қатысуымен Елбасының 2018 жылдың 5 қазанындағы «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауы белсенді түрде талқылады.
Жолдаудың өзектілігі білім алушылардың дайындау сапасын арттырумен белгіленген. ЖОО-н бағалаудың ең басты критериясы – бітіруші түлектердің жұмыспен қамтылуы, жалақысы жоғары жұмыс орындарына орналасу деңгейі.
Жолдаудың жетінші бағытында жаппай спортпен және дене шынықтырумен айналысуға өңірлік деңгейде қол жетімділікті қамтамасыз ету міндеті аталып өтті. Осыған орай кем дегенде 100 дене шынықтыру-сауықтыру кешендерін салу, сонымен қатар қолданыстағы спорт ғимараттарын, әсіресе мектептердегі спорт кешендерін тиімді қолдану, көпқабатты үйлердің ауласын, парктерді және саябақтарды спортпен шұғылдануға ыңғайластыру жұмыстары бойынша тапсырмалар берілді.
Студенттерге әсіресе Елбасының 2019 жылды жастар жылы деп арнағаны ұнады. Студенттер осы Жолдау нәтижесінде жастар арасындағы мәселелер шешіледі, спорт және мәдени-тәрбиелік шаралар ұйымдастырылады деген деген пікірде болды. Болашақта жастарды жұмыспен қамту және спортты дамытуға көптеген шаралар ұйымдастырылатын болады.
Осы талдау барысында топ студенттері елдегі әлеуметтік-экономикалық мәселелерді талқыға салды, қолда бар ресурстардың тиімсіз қолданылу нәтижелері бойынша ортақ пікірлер айтылды және мемлекеттік құрылым қызметі мен т.б.қызметтердің тиімділігін арттыру бойынша ұсыныстар да аталды.
Талдау нәтижесінде қоғам алдындағы міндеттерді қолдау және болашақ буынның патриоттық сезімін дамытуды қолдау қажеттіліктері бойынша қорытындылар жасалды.
ПІКІРЛЕР