«Нұр Отан» партиясы хатшысы университетімізде болды
Кеше «Нұр Отан» партиясының хатшысы Қаныбек Жұмашев және «Нұр Отан» Атырау облыстық филиалы төрағасының бірінші орынбасары Нұрлыбек Ожаев Х.Досмұхамедов атындағы Атырау мемлекеттік университетінде болды.
Еліміздің жетекші жоғары оқу орындарының бірі саналатын университетіміздің ректоры Абзал Ахатұлы қонақтарға Тұлғалар аллеясын көрсетіп, университет базасында ашылған IT орталықты таныстырды. Мамандар «Нұр Отан» партиясының хатшысы Қаныбек Бекболатұлына орталықтың жұмысы туралы мағлұмат беріп, «Цифрлы Қазақстан» бағдарламасы аясында қолға алынған игі бастамаға кез-келген адам қатыса алады. Бүгінде арнайы мамандар келушілерге ақпараттық сауаттылық негізінде дәріс беріп, бағдарламалау жүйесінің қыр-сырын үйретуде. Аталған орталықты тәмамдағандар, арнайы сертификатқа ие болып, өз мекемесінде дәріс жүргізуіне мүмкіндік алады» деді.Өз кезегінде Қаныбек Бекболатұлы Елбасының партия мүшелері алдына қойып отырған міндеттері мен мақсаттарын айтып, бүгінгі таңда саяси, экономикалық, рухани жаңғырудағы партия мүшелерінің белсенділігін атап өтіп, егемен еліміздің жарқын болашағы үшін бәсекеге қабілетті мамандар дайындау - бүгінгі күннің басты талабы екендігін тілге тиек етті.
Арайлым БАҒЫТЖАН
ПІКІРЛЕР