Түркиялық ғалымның шеберлік сағаттары
Х.Досмұхамедов атындағы Атырау мемлекеттік университетінің тарих мамандығы студенттері мен магистранттарына Түркияның Анкара университетінен «Шақырылған профессор» бағдарламасымен келген профессор Абдуллах Гүндогду тарих мамандығы магистранттарына орта ғасырлық түркілік тайпалар тарихына қатысты шеберлік сағаттарын өткізді.
Сонымен қатар Қазақстан және дүниежүзі тарихы кафедрасындағы әріптестерімен бірге ғылыми мәселелер төңірегінде пікір алмасуларға қатысуда.
Тарих мамандығының магистранты С.Маратоваға магистрлік диссертациясының тақырыбына сай тәуелсіздік жылдарындағы Қазақстан-Түркия байланысына қатысты кеңестер берді.
19 қазанда 1-курс студенттерімен бірге ортағасырлық Сарайшық қаласына саяхатқа барып, Ноғай ордасы астанасының орнынан табылған жәдігерлермен танысты. Түркиялық танымал ғалымның зерттеу бағыты шәйбанидтер кезіндегі Орта Азия болғандықтан, Ноғай хандығы секілді орта ғасырлық мемлекеттің тарихы да ғалымды айрықша қызықтырады.
Айта кету керек, профессор Абдуллах Гүндогду шетелдік шақырылған ғалымдар бағдарламасы аясында 16 қазаннан бастап гуманитарлық ғылымдар және өнер факультетінде «Шығыс Еуропа тарихына далалық тайпалардың әсері» пәні бойынша дәрістер оқуда.
ПІКІРЛЕР