Республикалық Олимпиада жеңімпаздары
2018 жылдың 24-26 қазан аралығында Орал қаласы, Батыс Қазақстан инновациялық-технологиялық университетінде экономика пәні бойынша өткізілген «Экономиканы инновациялау және модернизациялау» атты XVII Республикалық Олимпиадаға 5В050600-Экономика мамандығының 2-3 курс студенттері Сәбитов Әлішер, Омарова Алтынай, Мырзақуатова Нұрайна, Өтепберген Диана, Сагинова Динара және ғылыми жетекші экономика ғылымдарының магистры, аға оқытушы Айнур Амангельдиевна Карамулдина қатысты.
Олимпиаданың үш турынан сәтті өтіп, біздің студенттер өте жақсы білімін, интеллектуалды ахуалын, дарынын және креативті қасиеттерін көрсеткен нәтижесінде 2-ші жүлделі орынға ие болды. Қазылар алқасы студенттерді құттықтай отырып Атырау Университетінің ректоры, профессор Абзал Ахатұлына Алғыс хатын жолдады.
Біздің «Oil Kingdom» атты тобымыздың жеңісіне Экономика кафедрасының меңгерушісі э.ғ.к. Сабирова Р.Қ., аға оқытушылар Мұқашева А.Ж., Джумаева А.К., Тлепова Г.Б. және т.б., студенттер Жумашева Айдана, Джумагалиева Эльмира септігін тигізді.
Олимпиада жүлдегерлері осы жеңіспен тоқтамай, алдағы уақытта үлкен жетістіктерге қол жеткізуге ынталанды.
ПІКІРЛЕР