Сұлтанмахмұт Торайғыровтың 125 жылдығы аталып өтті
Х.Досмұхамедов атындағы Атырау мемлекеттік университетінің ғылыми кітапханасында университет жанынан құралған «Әбіш Кекілбаев орталығы» жастарының ұйымдастыруымен қанша ғасыр, қанша жыл өтсе де қазақ халқымен мәңгі бірге жасайтын Сұлтанмахмұт Торайғыровтың туғанына 125 жыл толуына орай «Алаштың ардақтысы» атты мәдени шара өткізілді.
Мәдени шараның алғы сөзі Ғылыми кітапхана директорының міндетін атқарушы З.Ибрашеваға берілді.
Саналы ғұмырын ел мұратына арнаған ақынның тағдыры – бүгінгі жастар үшін үлге-өнеге екені айқын. Сол себепті, шара ақынның шығармашылық өмір жолы, өнер мұрасымен танысудан басталды. Гуманитарлық ғылымдар және өнер факультетінің 3-курс студенті Заманбек Шакиров «Сұлтанмахмұт-алаш ардақтысы» атты баяндама жасап, шараны жалғастырды.
Шара барысында ақынның өмірі, қоршаған орта, туған ел тақырыбына жазылған өлеңдері жатқа оқылды. Ақындығы мен қоса ағартушылығы - ұлт тарихына қалдырған қолтаңбасы болып қалған Сұлтанмахмұт Торайғыровтың 125 жылдығына орай «Әбіш Кекілбаев орталығы» студенттерінің ұйымдастыруымен өткізілген шара жақсы әсер қалдырды.
ПІКІРЛЕР