«Жалынды жастар-Қазақстанның жарқын болашағы»

«Жалынды жастар-Қазақстанның жарқын болашағы»

18 Қазан күні Х.Досмұхамедов атындағы Атырау мемлекеттік университеті  гуманитарлық ғылымдар және өнер факультеті Журналистика мамандығының       1 курс студенттерін студенттер қатарына қабылдау шарасы өтті.

Шара барысында студенттер 2014 жылы Журналистика мамандығы студенттері арасында құрылған «Жалын» жас журналистер ұйымының мүшесі атанды.

«Жалынды жастар-Қазақстанның жарқын болашағы» атты бұл шараға Журналистика кафедрасының профессор оқытушылар құрамы қатысты.

«Жалын» жас журналистер ұйымының басты мақсаты «Журналистика» кафедрасы студенттерінің белсенділігін арттыру; жеке тұлға болып қалыптасуына әсер ету, университет студенттерін журналистика мамандығы саласына қызығушылығын арттыру; тіл байлығын дамытып, ойлау қабілеттерін  арттыру; болашақ журналист мамандарды баспасөз, радио, теледидар, интернет сияқты бұқаралық ақпарат құралдарының салаларында тәжірибелік жұмыстармен айналысуға; поэзия бағыты бойынша бар шығармашылық дарынын дамытуға атсалысу болып табылады.

Жас журналистерге кафедраның меңгерушісі Мәншүк Тынышқалиева ақ тілегін білдірді:

Жыл сайын журналистика мамандығына бірнеше талантты студенттер қабылданады. Журналистиканың қыр- сырын меңгеруді мақсат еткен бұл студенттерге кафедра жанынан арнайы "Жалын" жас журналистер ұйымы ашылған болатын. Бүгінде бұл ұйым арқылы көптеген іс шаралар ұйымдасты- рылып, студенттеріміз шыңдалуда. Сіздерге де қадамдарыңыз оң болсын дейміз. Алдағы уақытта үздік студенттер қатарынан табылып, ұйымның атқаратын көптеген іс- шараларының белсенді қатысушылары боласыздар деп сенім білдіреміз.

Сонымен қатар кафедраның ардагер оқытушысы Қайыров Əлібек өзінің ақжарма тілегін білдірді. "Журналист ол өте қырағы жүретін білімді xалық иесі. Егер сен журналист болам десең үнемі ізденісте болып, көп оқуың қажет. Осындай жалындап тұрған жастарды көріп, қазақ газеті мен телевидениесінің болашағының зор болатыны байқалып-ақ тұр. Қадамдарың оң болсын. Әрқашан білімге ұмтылып, мына ұстаздарыңның абыройын асқақтататын маман болыңдар. "Жалын" жас журналистер ұйымының осы уақытқа дейін атқарған шараларын көріп, өнегелі ұрпақтың тәрбиеленіп келе жатырғаны кеудеңе мақтаныш сезімін оятады. Алдағы жұмыстарыңа, оқуларыңа сәттілік"!

1 курс студенттерін қатарға қабылдау барысында жылдағы дәстүр бойынша Н.Тілендиев атындағы кіші өнер академиясының оқушылары да, қабылданып, «Жалын» жас журналистер ұйымының басшысы Жолдасова Назым ұйымның атқарған қызметі мен алдағы жоспарлары туралы баяндады. Сондай-ақ бұл кеште журналистика мамандығының 4 курс студенті ақын Зинеденов Еркебұланның «Әкеге аманат» атты кітабының тұсауы кесілді. Шара барысында журналистика кафедрасының студенттері айтыс өнерін жандандырып, мың бұрала би билеп, әсем әнмен әуелетіп өз өнерлерін ортаға салды.

Амангелді Дина Н.Тілендиев атындағы кіші өнер академиясының оқушысы:

Мектеп табалдырығынан бастап журналистика мамандығының қыр-сырын меңгеріп жатқан мен үшін, студенттер арасындағы «жалын» жас журналистер ұйымына қабылданып отырғаныма қуаныштымын. Болашақта осы ұйымның әр шарасына белсене қатысып, әрі қарай жандануына өз үлесімді қосуға тырысамын.


Журналистика мамандығының 4 курс студенті
Асем ЖОЛДЫБАЕВА

ПІКІРЛЕР

Тізімге қайта оралу

Үміткерлер арасында дебат өтті

26 Сен 2022 38

                      

Тәлімгерлік жоба тұжырымдамасы өз жұмысын бастады

26 Сен 2022 50