Елбасы Жолдауын студенттермен бірге талқылады
2018 жылдың 18 қазан айында Инновациялық білім беру факультетінің 3 курс студенттеріне «Педагогика» кафедра-лабораториясының доценті, педагогика ғылымдарының кандидаты Сарсенова Нұрзила Сарсенқызы Елбасы Н.Ә.Назарбаевтың 2018 жылдың 5 қазан айында «ҚАЗАҚСТАНДЫҚТАРДЫҢ ӘЛ-АУҚАТЫНЫҢ ӨСУІ: ТАБЫС ПЕН ТҰРМЫС САПАСЫН АРТТЫРУ» атты жолдауын талқылады.
Еліміздің әлеуметтік-экономикалық әл-ауқатын көтеруге бағытталған биылғы Жолдау өзгеше пішінде өтуімен ел назарын аударғандығын атап өтті. Жолдауда қарастырылған салалар бойынша нақты тапсырмаларға тоқтала отырып, ең бастысы экономикасы қарқынды дамып келе жатқан мемлекет құрып, бейбітшілік пен қоғамдық келісім қамтамасыз етілгендігін, Қазақстанның халықаралық беделі артып, өңірлік және жаһандық проблемалары шешуде халықаралық серіктес ретінде танылғандығын жеткізді.
Тұрмыс сапасын арттыру бағытында әл-ауқатымыздың екінші бір сипаты-өмір сүру деңгейінің артуы. Білім берудің, денсаулық сақтау саласының, тұрғын үйдің сапасы жайлы айта отырып, келесі жылы «Педагог мәртебесі» туралы Заң қабылданатындығын, Назарбаев университетінің тәжірибесіне сүйене отырып, әлемнің жетекші университеттерімен әріптестік орнату керектігін, Жоғары оқу орындарының табыстылығын бағалаудың басты критерийі - оқу бітірген студенттердің жұмыспен қамтылуы, жалақысы жоғары жұмысқа орналасуы туралы айтылды.
Студенттермен пікір алмасып, Жолдаудың құндылығын болашаққа бағдар ретінде қабылдады.
ПІКІРЛЕР