Италияндық опера әншісінің шеберлік сағаттары
Халықаралық «Шақырылған профессор» жобасы бойынша Х.Досмұхамедов атындағы Атырау мемлекеттік университетінің «Музыка және өнер» мамандығының студенттері опера өнерінің Отаны Италиядан шақырылған профессордан дәріс алуда.
Санти Естефан Кристина Адриана Адрия қаласының «Антонио Буццолло атындағы консерваториясының» профессоры.
Ол Германия, Франция, Ресей секілді ірі мемлекеттерде жеке концерттерін беріп жүрген өз саласының майталман әншісі.
Профессор Кристинаның сабақтары өте әсерлі, адамды өзіне бірден баурап алады. Сабақтавокалдық техниканың қыр-сырларына жан-жақты үйретуде. Дұрыс дем ала білуден бастап, күрделі дауыстық техникаларға дейін жалықпай нақты, жеріне жеткізе түсіндіруде шәкірттердің қызығушылығын арттыра түсті.
Ол итальян арияларының ән айту техникасына, бүгінгі заманауи ән айтудың жаңа әдістеріне үйретеді. Әр адамның жеке дауыс мүмкіндіктеріне қарай жаттығуларды да өзгертіп отырады. Сахна қозғалысы, дем алу техникасы және т.б. треннингтер өте қызықты өтуде.
Күн сайын жеке сабақтарды ала жүріп студенттер бар ықыласымен, ынтасымен оның бар ақыл-кеңестеріне ден қоюда.
Итальяндық оқытушыдан бір ай бойы сабақ алу бақытына ие болған достарым осындай мүмкіндік туғызған оқу орнының басшылығына сондай разылығын білдіруде. Бұл біз үшін үлкен мәртебе, жетістік.
Біз профессор Кристина Сантиге баршамыздың атымыздан зор денсаулық, жемісті еңбек тілейміз.
ПІКІРЛЕР