ҚР «Стандарттау туралы» Заңының жобасы

2018 жылдың 12 қазан күні Халықаралық стандарттау күніне орай Физика және техникалық пәндер кафедрасының ұйымдастыруымен ҚР «Стандарттау туралы» Заңының жобасы» тақырыбында семинар өтті.  

Семинарға Физика, математика және ақпараттық технологиялар факультетінің деканы тех.ғ.д., профессор Б.З.Кенжегулов, Техникалық реттеу және метрология комитетінің Атырау облысы бойынша департаментінің басшысы С.Г.Камешева, Қазақстан стандарттау және сертификаттау институты директоры Н.И.Дю, «Ұлттық сараптау және сертификаттау орталығы» АҚ Атырау филиалының директоры Н.К.Орунбаев, өндіріс мамандары, профессор-оқытушылар құрамы және 5В073200-Стандарттау және сертификаттау мамандығының студенттері қатынасты.

Семинар барысында С.Г.Камешева және Н.И.Дю баяндама жасады. ҚР «Стандарттау туралы» Заңының жаңа жобасы талқыланып, маңызды ой-пікірлер ортаға салынды. Білікті мамандар мен студенттер арасында жақсы дәрежеде байланыс орнады.

Семинар соңында Қазақстан стандарттау және сертификаттау институты Атырау облысы бойынша үздік кәсіпорындарды алғыс хатпен марапаттады.

Тізімге қайта оралу