Бизнес-сұхбат
28 қыркүйекте Атырау облысы бойынша «Даму» Кәсіпкерлікті дамыту Қоры аймақтық филиалында «Бизнес-Фитнес» жобасы аясында ұйымдастырылған тәжірибелі кәсіпкер, «АлиДан Медикал» ЖШС директоры, «Республикалық Медициналық Академия» ЖШС АФ директоры, Атырау облысы бойынша «Қазақстан Стоматологиялық Ассоциациясы» төрағасы, профессор, Рhd доктор Тишбаев Құрал Мұратұлымен бизнес сұхбаттасу кеші өтті.
Кешке аймағымыздағы белгілі кәсіпкерлер мен Х.Досмұхамедов атындағы Атырау мемлекеттік университеті 5В050600 Экономика мамандығының 3 курс студенттері, Экономика кафедрасының аға оқытушылары, экономика магистрі Тлепова Г.Б., менеджмент магистрі Тажиденова А.Р., экономика ғылымдарының магистрі Курмашева С.О. қатысты.
Кеш барысында отбасылық бизнестің маңыздылығы, құру жолдары, жаңа бастаған кәсіпкердің алғашқы қиындықтары, оны шешу жолдары, шағын бизнес идеялар мен инвесторларды табу жолдары мен бизнес әлемінде трендте болу туралы мәселелер қызу талқыланды.
Даму қорының «Бизнес-Фитнес» жобасы аясында өткен кештің мақсаты – үздік техниктердің көмегі арқылы тәжірибе алмасу және оқу жоспары бойынша жүргізілетін «Кәсіпкерлік қызмет негіздері», «Бизнес жоспарлау», «Кәсіпорын қызметін жоспарлау» атты пәндерді теория мен практиканы ұштастыру.
ПІКІРЛЕР