«Ұстаз- ұлы қызмет» атты тақырыптық кеш өтті

Х.Досмұхамедов атындағы Атырау мемлекеттік университетінің АКТ залында әскери кафедра студенттерінің ұйымдастыруымен ұстаздар мерекесіне орай «Ұстаз-ұлы қызмет» атты тақырыптық кеші өтті.

Әдіскер А.Ихласованың ұйымдастыруымен өткізілген шараның негізгі мақсаты, мұғалімдер күніне орай, ұстаздар қауымына мерекелік көңіл-күй сыйлап, құттықтау.

Салтанатты кештің алғы сөзі кафедра бастығы полковник К.Бердыгалиевке берілді.

Шара барысында, студенттердің ұстаздарына арнап дайындаған «Ұстаз» және «Ұстаздарға тілек» атты бейнероликтері көрсетілді. Кештің сәнін келтірген, әскери кафедра студенті С.Еламанованың «Көңіл толқыны» күйі мен әскери кафедра студенті Б.Бақтыгереевтің «Алатау» күйі болды. Шара ортасында, әскери кафедра студенттерінің қатысуымен «Асыл мұра» атты көрініс көрсетіліп, көрермендерге керемет әсер қалдырды.

Шара соңында, «Ұстазым» әні орындалып, әскери кафедра студенттерінің ұйымдастыруымен «Ұстаз- ұлы қызмет» атты тақырыптық кеші аяқталды.

Тізімге қайта оралу