Балуандар сынға түсті шаршы алаңда
Каспий маңы елдері университет студенттерінің VI Халықаралық спорттық ойындарының 1-ші күнінде абсолюттік салмақта қазақ күресінен жарыс өтті. Өткізіліп жатырған жарыстың негізгі мақсаты - қазақ күресін дүниежүзілік студенттер ойыны мен азия ойындарына енгізіп, олимпиада ойындарына қосу.
Жарыс қонақтары дүниежүзілік қазақ күрес федерациясының вице-президенті, ҚР-ның еңбек сіңірген қайраткері Төкеев Серік Адамұлы, Қытай Халық Республикасы Азия құрлығынан арнайы келген, қазақ күрес федерациясының президенті Серік Кененбай мырза қатынасты.
Додаға барлығы 4 университеттен 8 палуан сынға түсті.
Жарыс қорытындысы бойынша, жүлделі 1-ші орынды Х.Досмұхамедұлы атындағы Атырау мемлекеттік университетінің студенті - Амандық Абылай иеленсе, жүлделі 2-ші орынды Дағыстан мемлекеттік университетінің студенті - Магамезов Загит иеленді. Жүлделі 3-ші орынмен Ш.Есенов атындағы мемлекеттік технологиялар және инжиниринг университетінің студенті - Серік марапатталды.
Жеңімпаздарға универсиада жеңімпаздарына арнайы дайындалған кубок пен арнайы медаль және ақшалай сыйлықтармен марапатталды.
Дүниежүзілік қазақ күрес федерациясының шешімімен Х.Досмұхамедұлы атындағы Атырау мемлекеттік университетінің ректоры Талтенов Абзал Ахатұлына дүниежүзілік қазақ күресіне қосқан үлесі үшін арнайы төсбелгі тағылып, алғыс хатпен марапатталды.
ПІКІРЛЕР