Былғары қолғап шеберлері алаңға шықты
Х.Досмұхамедов атындағы Атырау мемлекеттік университетінде Каспий маңы елдері университеттері студенттерінің VI Халықаралық спорттық ойындарының кезекті ойыны Атырау спорт-мәдени кешенінде жалғасты.
Сайысқа сақадай сай дайындалып келген спортшыларымыз ойын басталған сәттен бастап намысты қолдан бермеуге тырысып бақты. Үлкен үмітпен келген боксшылар бірнеше раундтан соң жеңіс төрінен көрінді. Атап айтқанда: 56 келі салмақта Атырау мемлекеттік университетінің студенті Молдашев Сағындық, 64 келі салмақта Ш.Есенов атындағы мемлекеттік университет студенті Орынбасаров Сұңғат, Атырау мемлекеттік университетінің студенті Али Акидилов, Ш.Есенов атындағы мемлекеттік университет студенті Нұрым Дилшат, 69 келі салмақта Ш.Есенов атындағы мемлекеттік университет студенті Шаршов Султан жеңіске жетті. Спортшыларымызды жеңістерімен құттықтаймыз.
ПІКІРЛЕР