Каспий маңы елдері университеттері студенттерінің VI Халықаралық спорттық ойындары басталды

25 қыркүйекте Х.Досмұхамедов атындағы Атырау мемлекеттік университеті және Атырау облысының дене шынықтыру және спорт  басқармасымен бірлесіп ұйымдастырып отырған Каспий маңы елдері университеттерінің VI Халықаралық спорттық ойындары салтанатты түрде ашылды.

Шараға қатынасушылар қатарында Каспий маңы аймағының көшбасшы жоғары оқу орындары мен ғылыми-зерттеу орталықтарынан тұратын Ассоциацияның барлық мүшесінің бірінші басшылары қатынасты. Каспий маңы елдерінің университеттерінің VI Халықаралық спорттық ойындарына әр мемлекеттен, атап айтқанда: Иран Ислам Республикасынан – 63, Ресей Федерациясынан – 192, Азербайжан Республикасынан – 15, Ақтау қаласынан – 45, Атырау мұнай және газ университетінен – 126, Х.Досмұхамедов атындағы Атырау мемлекеттік университетінен – 126 спортшы студенттері қатынасады.

Салтанатты түрде ашылған Каспий маңы елдері университеттерінің VI Халықаралық спорттық ойындары өзара достық пен әріптестіктің жарасымды жалғасы сияқты. Халықаралық деңгейдегі спорттық шараға Иран, Азербайжан, Ресей, Түркімен және Қазақстан елінен барлығы 700-ден аса студент 10 спорт түрінен атап айтқанда, футбол, баскетбол, шахмат, жеңіл атлетика, каратэ, жүзу, бокс, дзюдо, үстел теннисі ойындарынан сайысқа түсіп, 400 медальдар жиынтығын сарапқа салғалы отыр.

ПІКІРЛЕР

Тізімге қайта оралу

ҚҰТТЫҚТАЙМЫЗ!

22 Сен 2020 42