ҚР Тұңғыш Президенті - Елбасының кітапханасы Атырау университетінде
Х.Досмұхамедов атындағы Атырау мемлекеттік университетінде студенттерге арналған Қазақстан Республикасының Тұңғыш Президенті- Елбасы кітапханасының «Рухани жаңғыру: Болашаққа бастар жол» атты семинар тренингі өтті.
Семинар-тренингтің басты мақсаты - ҚР Президентінің «Болашаққа бағдар: рухани жаңғыру» стратегиялық мақаласы негізінде Елбасы кітапханасының басты ережелерін түсіндіруге бағытталды.
Елбасы кітапханасының «Рухани жаңғыру: Болашаққа бастар жол» атты семинар тренингінің алғы сөзін Х.Досмұхамедов атындағы Атырау мемлекеттік университетінің ректоры Талтенов Абзал Ахатұлы семинар-тренингтің ашылуымен құттықтап, сөз кезегін Рахимжанов Амирхан Мұратбекұлына берді.
Осы орайда, Рахимжанов Амирхан Мұратбекұлы семинар-тренингке жиналған студенттер мен оқытушыларға және БАҚ-өкілдеріне ҚР Президентінің «Болашаққа бағдар: рухани жаңғыру» стратегиялық мақаласының басты ережелерін түсіндіріп өтті. Және де, сөз соңында, Қазақстан Президент Кеңесінің меңгерушісі қызметін атқарып келе жатқан Махмұт Қасымбековтың авторлық туындысы «Нұрсұлтан Назарбаев. Өмірбаян» атты жинағы мен Қазақстан Республикасының Тұңғыш Президенті-Елбасы кітапханасының «Н.Назарбаев: дәуір, тұлға, қоғам» атты кешенді жобасы аясында орасан зор мәдени-ағартушылық және әлеуметтік саяси маңызы бар іс-шараларды өткізу барысында белсенді атсалысқаны үшін Х.Досмұхамедов атындағы Атырау мемлекеттік университетінің ректоры А.Талтеновке «Алғыс хат» табыстады.
Қазақстан Республикасының Тұңғыш Президенті- Елбасы кітапханасының «Рухани жаңғыру: Болашаққа бастар жол» атты семинар тренинг барысында студенттер осы тақырып аясында сұрақтарына жауап алды.
Және де, «Бәсекеге қабілеттілік-ХХI ғ. Ұлт жаңғыруы», «Қазақстанның тарихи жолы мен эволюциясының дамуы», «Ұлттық бірегейлікті сақтау», «Ашық сана-болашаққа жол» атты дәрістері мен қоса семинар қатысушыларымен жүргізілген топтық ойындар мен психологиялық жаттығулар, тәжірбиелік сабақтар сынды тренингтер рухани жаңғыру жөнінде жүйелі түсінік алуға мол мүмкіндік берді.
Кездесу соңында «Рухани жаңғыру: Болашаққа бастар жол» семинар-тренинг қатысушыларына Елбасы кітапханасының сертификаттары табысталып, бұл іс-шара Қазақстан Республикасының Тұңғыш Президенті кітапханасының «Н.Назарбаев: дәуір, тұлға, қоғам» көшпелі көрме жобасы аясында өткізілгені атап өтілді.
ПІКІРЛЕР