Универсиадаға байланысты пресс-конференция өтті
19 қыркүйекте «Атырау-Ақпаратта» бұқаралық ақпарат құралдары өкілдерінің қатысуымен Каспий өңірі мемлекеттері университет студенттерінің VI Универсиадасы аясында пресс-конференция ұйымдастырылды.
Пресс-конференцияда бұқаралық ақпарат құралдары өкілдері алдында Х.Досмұхамедов атындағы Атырау мемлекеттік университетінің Әлеуметтік мәселелер және жастар саясаты жөніндегі проректор Ляйля Койшигулова, университетіміздің денешынықтыру кафедрасының меңгерушісі, Қазақстан Республикасына еңбек сіңірген жаттықтырушы Алпысбай Аралбаев сөз сөйлеп, университет тарихында алғаш рет өткелі отырған ауқымды шара жөнінде кеңінен ақпарат берді.
Естеріңізге сала кетейік, Халықаралық деңгейдегі спорттық шараға Иран, Азербайжан, Ресей және Қазақстан елінен барлығы 700-ден аса студенттері қатынасып, 10 спорт түрінен, атап айтар болсақ, футбол, баскетбол, шахмат, жеңіл атлетика, каратэ, жүзу, бокс, дзюдо, үстел теннисі ойындарынан сайысқа түспек.
Шараға Атырау облысының әкімі Н.Ноғаев және Каспий маңы елдері мемлекеттік университеттерінің ректорлары қатысады деп күтілуде. Сондай-ақ елімізге танымал спортшылар да шақырылды.
ПІКІРЛЕР