Жерлесіміз жеңіс тұғырында
Жерлесіміз жеңіс тұғырында
Тайланд елінде шілденің 22-27 аралығында Муай-Тай спорт түрінен студенттер арасындағы әлем чемпионаты өткен болатын.
Жарыс барысында Атыраулық спортшылар еншілеріне 1 алтын және 1 қола медаль байлады.
Ел намысын 54 келі салмақта Қазақстанның ең титулды спортшысы, бүкіләлемдік ойындардың жеңімпазы Еламан Саясатов қорғады. Ақтық сында спортшымыз Ресейлік қарсыласын 29:28 есебімен тізе бүктіріп, қанжығасына алтын байлады.
- Ресейлік спортшымен болған финалдық кездесу оңайға түскен жоқ. Себебі қарсыласым танымал әрі тәжірбиелі. Соңғы рет онымен Польша елінде жолығып, жеңіске жеткен болатынмын. Сол себепті ескі қарсыласымды алдын-ала біліп шықтым. Мақсатым – қатысқан барлық жарыстарымда жеңіске жетіп, Қазақстанның атын шығару, - дейді Е.Саясатов.
Сондай-ақ, 63,5 келі салмақта Әбіл Галиев қола жүлдегер атанды. Ол іріктеу кезеңінде польшалық Оскар Сигертті жықса, жартылай финалда Беларусь спортшысына есе жіберді.
ПІКІРЛЕР