Ғылыми жобаларды гранттық қаржыландыру конкурсы
11 шілде күні Х.Досмұхамедов атындағы Атырау мемлекеттік университетінде ҚР Білім және Ғылым министрлігі Ғылым комитеті жанындағы Ғылым қоры өкілдерімен кездесу өтті.
Кездесудің модераторы, Ғылым қорының жобалар координаторы Әлібек Хамидуллин «Ғылыми және ғылыми-техникалық қызмет нәтижелерін коммерцияландыру» жобасы негізінде ғылыми жобаларға ынталы серіктестерге гранттық қаржыландыру ережелері бойынша түсінік жұмыстарын жүргізді. Шараға қатысқан Атырау мемлекеттік университетінің профессор-оқытушылар құрамы, Атырау мұнай және газ университеті мен Атырау инженерлік-гуманитарлық институтының ғалымдары және сонымен қатар озық технологияларды өндіріске енгізуге ынталы өнеркәсіп орындары мен бизнес өкілдері конкурс бойынша грант беру шарттарымен танысты.
Айта кету керек, аталмыш конкурс бойынша өтінімдерді қабылдау мерзімі – 2018 жылдың 18 маусымынан 1 тамыздың 18:00 сағаты аралығында www.e-cloud.asia сайтындағы электронды өтінімдерді қабылдау жүйесі арқылы қабылданады. Сонымен қатар, грант сомасы 300 млн. теңгеге дейін болса, сол жобаны іске асыру 3 жылға дейінгі аралықты қамтиды. Қандай да бір сұрақтар туындаған жағдайда +7 (7172) 768 578, 266 359 телефондары арқылы жауап ала аласыздар.
Малика ТАКЕЖАНОВА,
медиа-қызмет орталығының тілшісі.
Суретті түсірген Құдияр ДАНИЯРОВ
ПІКІРЛЕР