Тәжірибені жетілдірудің тиімді жолы

19 маусым күні өткен «Іс-әрекеттегі зерттеу: тәжірибені жетілдірудің тиімді жолы» тақырыбындағы педагогтардың ІІ аймақтық форумның ұйымдастырылуына мұрындық болған Х.Досмұхамедов атындағы Атырау мемлекеттік университеті мен Атырау қаласындағы педагогикалық шеберлік орталығы болатын.

Бұл шараның негізгі мақсаты - мұғалімдердің кәсіби өсуіне қолдау көрсету және іс-әрекетті зерттеу туралы түсінік берумен қатар, педагогтарды іс-әрекеттерді зерттеуге сәйкес келетін педагогикалық тәсілдермен таныстыру, бір-бірімен тәжірибе алмасу. Форумның пленарлық мәжілісінде алғашқылардың бірі болып Х.Досмұхамедов атындағы Атырау мемлекеттік университеті ректорының кеңесшісі Жайлы Өмірбекова, оқу ісі жөніндегі проректор Гүлжан Жарасова мен Атырау қаласы педагогикалық шеберлік орталығының директоры Аида Нуржанова сөз сөйледі. Қатысушылар 5 секция мәжілістеріне бөлінді:

1 секция «Іс әрекетті зерттеуге арналған проблеманы қалай анықтауға болады?»

2 секция «Іс-тәжірибеге өзгерістер нәтиже беріп жатырғанын қалай анықтауға болады?»

3 секция «Сабақты зерттеу үдерісі қалай жүзеге асырылады?»

4 секция «Зерттеу қорытындысы қалай талданады?»

5 секция «Зерттеу қорытындысы келешек жоспарды өзгертуге қалай әсер етеді?»

Педагогтардың аймақтың форумының қорытындысы бойынша мұғалімдер сабақты зерттеуге арналған тақырыпты таңдауды негіздеуді, дерек жинау әдістерін түсінді, тәжірибеде пайдалануды үйренді. Онымен қоса, деректерді талдау, қорытындылау және оқытудағы келешек өзгерістерді жоспарлау туралы тәжірибе жетілдірді.

ПІКІРЛЕР

Тізімге қайта оралу

ҚОНАҚ ДӘРІСІ

27 Ноя 2020 20