«100 жаңа оқулық» жобасы аясында
Елбасы Н.Ә.Назарбаевтың «Болашаққа бағдар: рухани жаңғыру» атты мақаласында негізгі міндеттерінің бірі ретінде әлеуметтік-гуманитарлық білімнің барлық бағыты бойынша әлемдегі ең үздік 100 оқулықты қазақ тіліне аудару мәселесін қозғаған болатын.
Осы міндетті жүзеге асыру нәтижесінде болашақ мамандарға таңдаулы шығармалармен ана тілімізде танысуға, білім алуға мүмкіндік берді. Осы мақсатта 2018 жылдың 8 маусым күні университетіміздің Инновациялық білім беру факультетінің, Психология және арнайы білім беру кафедрасының ұйымдастыруымен «Әлемдік үздік психологиялық шығармалар – бәсекеге қабілетті психолог мамандарын дайындаудың қайнар көзі» атты облыстық конференция болып өтті.
Конференция – «Жаңа гуманитарлық білім. Қазақ тіліндегі 100 жаңа оқулық» жобасы аясында шығарылған психология ғылымы бойынша аударылған кітаптарды оқырмандар арасында талқылауға бағытталған.
Конференцияға облыстық білім беру мекемелерінің педагог-психолог қызметкерлері мен қатар өндірістік мекеме психологтары, университеттің профессор-оқытушылары, магистранттар қатынасты.
Конференция жұмысында «100 жаңа оқулық» жобасы партия назарында» спикер Жайлаубаева Данагүл Бағытжанқызы «Нұр Отан» партиясы Атырау облыстық филиалы Саяси жұмыстар бөлімінің меңгерушісі, педагогика ғылымдарының магистрі, «Атырау облысы бойынша мектеп педагог-психологтардың жұмысын ұйымдастыру мәселелері» cпикер Кабекенов Ғабит Уапұлы Атырау облысы Білім беру басқармасының Әдістемелік орталығының директоры, PhD докторы, «Бәсекеге қабілетті жеке тұлғаны қалыптастыруда педагог-психологтардың кәсіби дайындығын жетілдіру» спикер Қонқаева Орынгүл Батырғалиқызы «Өрлеу БАҰО АҚ Атырау облысы филиалының «Тұлғаны тәрбиелеу және әлеуметтендіру» кафедрасының аға оқытушысы, магистрі, «Колледждегі білім беруде психологиялық оқулықтардың маңызы» спикер Досмағамбетова Гүлжан Асхатқызы Қ.Дүтбаева атындағы Атырау гуманитарлық колледжінің оқытушысы, педагогика ғылымдарының магистрі баяндамалар жасаса, аударылған оқулықтардың ішінде Дуэйн Шульц пен Сидней Эллен Шульцтың «Қазіргі психология тарихы» атты оқулығын Психология және арнайы білім беру кафедрасының профессоры, п.ғ.к., Нұрмұқашева Салима Қайыржанқызы мен кафедраның аға оқытушысы, магистр Дәулет Тоғжан Каукенқызы, Дэвид Майерс пен Жан Туенждің «Әлеуметтік психология» оқулығын Л.Гумилев атындағы Еуразиялық Ұлттық университетінің 6D010300-педагогика және психология мамандығының PhD докторанты Казиев Карас Оржанұлы, Эллиот Аронсонның «Көпке ұмтылған жалғыз. Әлеуметтік психологияға кіріспе» оқулығын психология және арнайы білім беру кафедрасының доценті, пс.ғ.к Сабирова Жаңылсын Нұрмұқанқызы презентация жасап, қатынасушыларға жалпы оқулық туралы оның ерекшеліктері мен құндылығы қоғамның қарқынды дамуына, әртүрлі топтағы жеке тұлғаның рөлі мен орнын түсінуге мүмкіндік береді.
Конференция жұмысын психология және арнайы білім беру кафедрасының меңгерушісі, п.ғ.к. Шұғаева Гүлшат Қоңыратқызы жүргізді.
ПІКІРЛЕР