Сербияда IV рет қазақ күресінен Еуропа чемпионаты өтті
2018 жылдың 31 мамыр мен 2 маусым аралығында Сербияның Зренянин қаласында ҚР Мәдениет және спорт министрлігі, (UWW Біріккен күрес түрлері) Бүкіл әлемдік белбеу күресі комитеті және Дүниежүзілік қазақ күресі федерациясының қолдауымен қазақ күресінен ересектер мен әйелдер арасында IV-ші Еуропа чемпионаты өтті.
Чемпионат алдында төрешілермен өткен семинар кеңесін жүргізу мәртебесі Х.Досмұхамедов атындағы Атырау мемлекеттік университетінің Дене шынықтыру және бастапқы әскери дайындық кафедрасының аға оқытушысы, Азия құрлығының қазақ күресі федерациясының бас хатшысы, халықаралық дәрежедегі төреші Хабиров Рафаэль Ралитұлына бұйырды. Төрешілерге қазақ күресінің ережелері туралы арнайы дайындалған бейне баяндама көрсетіліп, анықтама берілді. Жарысқа Еуропа құрлығының 17 елінің 100-ден астам палуандары қатысып, ерлер 6 салмақта, қыздар 6 салмақта сынға түсті. Жарыс жоғары дәрежеде өтті.
ПІКІРЛЕР