Балалар университетінің жаңа маусымы ашылды
Х.Досмұхамедов атындағы Атырау мемлекеттік университетінде Балалар университетінің салтанатты ашылу шарасы өтті.
Балалардың білімге деген құмарлығын дамытуға көмектесетін, қалыпты мектептен өзгеше оқыту әдістемесін ұсынатын бірегей жобаны алғаш рет университетіміздің бірінші проректоры - Стратегиялық жоспарлау және халықаралық байланыстар жөніндегі проректоры Шилібекова Айгерім Сенбекқызының қолдауымен ашылған болатын. 2017 жылдың наурыз айында бастау алған бұл жоба осы күнге дейін жалғасын тауып келеді.
Жазғы маусымның ашылу салтанатының алғашқы сөз кезегін университетіміздің Әлеуметтік істер және жастар саясаты жөніндегі проректоры Ләйла Ерболатқызының құттықтау сөзімен ашылды. «Балдаурен» әнін орындаған кішкентай бүлдіршініміздің сазды әуенінен кейін Балалар университетінің түлектеріне студенттік билет тапсыру рәсімі өтті. Білім алушыларға студенттік билетті Инновациялық білім беру факультетінің деканы Мұхамеджанова Ақмарал Утепбергенқызы табыстады. Мерекелік шараның соңы аға буын студенттердің орындауында биден шашу шашылып, естелік суреттерге түсті.
Арайлым НАРЕШОВА
ПІКІРЛЕР