Оқытушылар түрік тілін меңгерді

Оқытушылар түрік тілін меңгерді

Оқытушылар түрік тілін меңгерді

Бүгін,  1 маусым күні университетімізде түрік тілі курсын тәмамдаған  оқытушылар мен қызметкерлерге сертификат табыстау рәсімі болып өтті.

Айта кетсек, аталмыш курс өткен жылдың қазан айынан бастап, білім беру және инновациялық лицейінің түрік тілі оқытушысы Яман Иылмаз бейдің жетекшілігімен өткізілді.

Курстың мақсаты – түрік тілінің практикалық білімдерін үйрету, ресми және ресми емес қарым-қатынас кезінде қажетті сөйлеу дағдыларын (ауызша және жазбаша) дамыту; лингвистикалық білімдер мен дағдыларды одан әрі жетілдіру; білім беру ортасын кеңейтіп, жаңа ұлттық мәдениетті тану.

Жиын барысында модератор, стратегиялық, инновациялық және халықаралық даму департаментінің директоры Динара Туякова қатысушыларды құттықтап, алдағы уақыттағы түрік тілі орталығын ашу жоспарда бар екенін атап өтті.

"Қазіргі заман көп тілді білуді қажет етеді және көп тілді меңгеру адамның білімі мен дүниетанымын да кеңейте түсетіні рас. Осы ретте түрік тілін толықтай меңгергендеріңізді растайтын сертификаттарыңыз құтты болсын. Үйренген тілдеріңіз кәсіби еңбектеріңізге өз септігін тигізсін дегім келеді" - деді оқу ісі жөніндегі проректор Гүлжан Жарасова.

Шара соңында қатысушыларға сертификаттар табысталып, тыңдаушылар ұйымдастырушылар мен Яман Иылмаз бейге өз алғыстарын білдірді.

"Түрік тілі курсының университетте ашылуына септігін тигізген университет басшылығына алғысым шексіз. Және мені қатысушылардың жастарына одан бөлек жұмыстарына қарамастан тіл үйренуге деген құлшыныстары қуантты. Сертификаттарыңыз құтты болсын." - деді өз сөзінде Яман Иылмаз бей.

 

ПІКІРЛЕР

Тізімге қайта оралу

Ерлан ерледі

12 Ноя 2019 16

Таяуда Ақтау қаласында  Yessenov University ұйымдастыруымен Жастар жылы аясында Қазақстан мұнайының 120 жылдығына арналған «Университет – ой-пікірлер аймағы» Yessenov Forum өтті.  Аталмыш шараға Х.Досмұхамедов атындағы Атырау мемлекеттік университетінен тарих мамандығының 4-курс студенті Баймағамбетов Ерлан қатысып, осы форум аясында өткен ғылыми-тәжірибелік конференцияда «Рухани жаңғыру бағдарламасы – тапсырмаларды шешуге арналған жаңа бағыт» секциясы бойынша жүлделі І орынды иеленді.

Сүндет Байғожин шеберлігімен бөлісті

12 Ноя 2019 16

9-шы қараша күні Х.Досмұхамедов атындағы Атырау мемлекеттік университетінде  ҚР еңбек сіңірген қайраткері, Құрмет орденінің иегері, Астана Опера тетарының жетекші әншісі Сүндет Байғожин Музыка және өнер кафедрасының студенттері мен вокал оқытушыларына арналған шеберлік сыныбын өткізді.

Студенттер өнер қайраткерлерімен кездесті

11 Ноя 2019 54

Қарашаның 9 жұлдызында Х.Досмұхамедов атындағы Атырау мемлекеттік университетінің Музыка және өнер кафедрасында екі бірдей өнер қайраткерімен кездесу өтті.

Спартакиада басталды

11 Ноя 2019 33

Х.Досмұхамедов атындағы Атырау мемлекеттік университетінің құрылғанына 70 жыл толуына орай студенттер арасындағы факультетаралық спартакиада басталды.

Қаржы және есеп кафедрасындағы елеулі жетістіктер

7 Ноя 2019 31

Ғылым - уақыт пен кеңістікте бар, зерттеуге болатын шынайы нақты нәрселердің заңдары мен қағидаларын, тәртібі мен құрылымын объективті түсіндіретін, эксперимент пен бақылауға негізделіп, жүйелі түсінік қалыптастыратын таным саласы.  «Білім – бақтың жібермейтін қазығы», – депті Мұхтар Әуезов.