IT орталығы ашылды

Өңірімізде «Цифрлы Қазақстан», «Рухани жаңғыру», шағын және орта бизнесті қолдау бағытында мемлекеттік бағдарламаларды іске асыру мақсатында «Нұр Отан» партиясы Атырау облыстық филиалы мен Халел Досмұхамедов атындағы Атырау мемлекеттік университеті арасындағы өзара ынтымақтастық меморандумы аясында «IT орталығының» салтанатты ашылу рәсімі болып өтті.

Жиынды техника ғылымдарының докторы, профессор Бекет Кенжеғұлов құттықтау сөзімен ашты.

«Елбасымыз Н.Назарбаевтың алға қойған мақсаттарының бірі «Цифрлы Қазақстан» бағдарламасы бойынша университетімізде «Нұр Отан» партиясының бірлескен түрде ІT орталығы ашылып отыр. Бір айға созылатын бұл жоба үш бағыттан тұрады. Біріншісі программалау тілі, екіншісі ІТ технологиясын меңгерудің жаңа жолы болса үшіншісі негізгі мамандар үшін әртүрлі программалар бойынша курстар өткізіледі» - дейді Бекет Зинешұлы.

«Нұр Отан» партиясы Атырау облыстық филиалы төрағасының бірінші орынбасары Нұрлыбек Ожаев: - Еліміздегі стратегиялық бағдарламалық құжаттарды жүзеге асыру мақсатында «Нұр Отан» партиясы жаңа жобаларды қолға алған болатын. Бұл жобалардың негізгі мақсаты еліміздегі атқарылып жатырған жаңғыру жұмыстарына үлес қосу. Бүгінгі ашылып жатырған ІТ орталығында Атырау облысы бойынша 750 оқушы дәріс алады деп күтілуде – дейді.


ПІКІРЛЕР

Тізімге қайта оралу

Құттықтаймыз!

17 Май 2022 32