Түлектер тілегі немесе 35 жылдан кейінгі жүздесу

Түлектер тілегі немесе 35 жылдан кейінгі жүздесу

5 мамырда Х.Досмұхамедов атындағы Атырау мемлекеттік университетінде оқу орнының тарих мамандығының 1983 жылғы түлектерінің кездесуі өтті.

«Түлектер тілегі» атты кездесу кешіне университет ұстаздары мен студенттері, Атырау мемлекеттік университетінің проректоры Саламат Идрисов, ғылыми кеңес мүшелері, Атырау облысы Мемлекеттік архив директоры, тарих ғылымдарының докторы, профессор Әбілсейіт Мұқтар, Атырау облыстық ескерткіштерді қорғау инспекциясының директоры Мұқанбетқали Қипиев, Атырау инженерлік-гуманитарлық институтының проректоры Мұстахим Мұхтаров, Атырау мұнай және газ университеті кафедра меңгерушісі Болат Нығыметов қатысты.

Салтанатты шараны жүргізген Қазақстан Журналистер Одағының мүшесі Қылышбай Сүндетұлы «Біз қашанда үлкенді құрметтеген, кішіге ізгілік танытқан ұрпақ өкіліміз. Бүгін сол сөзіміздің куәсіндей, 68 жылдық тарихы бар Х.Досмұхамедов атындағы Атырау мемлекеттік университетінде ұстаз бен шәкірті тоғысқан үлкен мереке. «Ұстаз болу – ұлағаттың белгісі» деген аталарымыздан қалған сөз бар. Шәкірт тәрбиелеп, бала оқытып, өнер-білім ұрығын себуші, адамдардың көкірек көзін ашып, ой-санасын нұрландырушы деп, ұстаздарды ерекше құрметтеп, төрілерінен орын, төбелерінен жол берген.«Шәкіртсіз – ұстаз тұл» дегендей, мына зал толы осы оқу орнынан түлеп ұшқан азаматтарды көріп ерекше толқыныста да отырмыз»,- деп атап өтті.

Кездесудің тағы бір ерекшелігі Қазақстан және дүниежүзі тарихы кафедрасының доценті, тарих ғылымдарының кандидаты Мұстафин Жеңісбек Жұпболұлының мерейлі 70 жасына арналған салтанатты шараның тұстас келуі болды. Ұстаздың мерейлі сәтінде тарих университеттің бірнеше жылғы түлектері бірге жиналып, жетістіктерімен шаттанып, шын мәніндегі ұрпақтар сабақтасы орын алды.

1979 жылы тарих мамандығына Ақтөбе, Маңғыстау, Батыс Қазақстан, Оңтүстік Қазақстан, Қызылорда, Атырау облыстарынан келген жастардан 50 студент қабыоданған. Отыз бес жылдан кейін «Түлектер тілегі» кешіне жиналған 1983 жылғы түлектер қатарында Қазақстан Республикасы Ұлттық ғылым академиясының корреспондент-мүшесі, тарих ғылымдарының докторы Ғабит Кенжебаев (Алматы), тарих ғылымдарының докторы Бекмұрат Найманбаев (Шымкент), тарих ғылымдарының кандидаттары Теміржан Бурин, Ақтөбе қаласындағы құқық-экономика колледжінің директоры Марат Ислямов (Ақтөбе), Ақтөбе «Медиа Холдинг» директоры Раукен Отыншиев, Қызылорда облысы Қазалы ауданы 146-мектеп директоры Руслан Ізбахыш және басқа да еліміздің әлеуметтік-экономикалық дамуына үлес қосып жүрген көптеген ардақты ұстаздар, танымал кәсіпкерлер, басшы қызметкерлер бар.

Халел Досмұхамедов ескерткішіне гүл шоғын қойып, тағзым жасаған түлектер университет ішін аралап, кейінгі жылдарда болған барлық өзгерістер мен жаңалықтарды көріп, таңданыстарын жасырмады.

Кездесуге барысында түлектер атынан жас мамандарды дайындау ісіндегі ерени еңбегі мен жастарды тәрбиелеудегі өнегелі істері үшін бірқатар ұстаздар мен қайраткерлерге, бірге оқыған курстастарына Қазақстан Республикасы Парламенті жанындағы республикалық Қазақстан ардагерлері қауымдастығының қайырымдылығы үшін берілетін «Сауап» медалі табысталды. Олардың қатарында тарих ғылымдарының докторы Үркінбай Қыдыралин, тарих ғылымдарының кандидаттары Жиенбай Бақи, Жеңісбек Мұстафин, куратор ұстазы Алтын Қапақова, ардагер журналист Айтқали Нұрғалиев, түлектерден курс шежіресін жазушы Руслан Ізбахыш, Махамбает ауданы Ақжайық ауылының әкімі Сайлау Жұмағалиев, кәсіпкер Асылбай Нұрмұханбетов марапатталды. Сонымен бірге 1983 жылдан бастап ұстаздық қызметте кіршіксіш еңбек етіп, жүздеген шәкірт дайындаған Атырау облысы Махамбет ауданы Алмалы орта мектебінің ұстаздары Жұмақыз Тәжіғұлова мен Рая Сахибеденова Жамбыл облысындағы Мерке шипажайына демалуға жолдама сертификатын алды.

Кездесуде «Білім ап саяңда, өткердік сан жылды...» естеліктер жинағы кітабының тұсауы кесілді.

1983 жылғы тарих мамандығының түлектері атынан тарихты оқыту әдістемесі кабинетіне арнайы көрнекі тақталар сыйға тартылды.

Тарих ғылымдарының кандидаты Жеңісбек Жұпболұлы Мұстафин жастарға білім беру мен тәрбиелеу ісіне қосқан үлесі үшін Қазақстан Республикасы Білім және ғылым министрлігінің Құрмет грамотасымен, «Х.Досмұхамедов атындағы Атырау мемлекеттік университетінің дамуына қосқан үлесі үшін» медалімен марапатталды.

 

Г.Кайргалиева,
тарих ғылымдарының кандидаты


ПІКІРЛЕР

Тізімге қайта оралу

Ирандық профессор университетімізде

15 Ноя 2019 1

Шетелдік ғалымдарды шақыру бағдарламасы аясында 6 қарашадан бастап бізде қонақта Тарбиат Модарес университетінің (Тегеран қ.) қауымдастырылған профессоры Давуд Седигизаде (Davoud Sedigizadeh) - жасанды интеллект және машиналық оқыту саласындағы белгілі ғалым жұмысын бастады.

Ғылыми-практикалық дөңгелек үстел өтті

15 Ноя 2019 1

Х.Досмұхамедов атындағы Атырау мемлекеттік университетінің 70 жылдық мерейтойын қарсы алу алдында «Университетіміздің 70 жылдығына – 70 қадам» бағдарламасы аясында түрлі жұмыстар жалғасын табуда.

Оқытушылар кәсіби біліктілігін арттырды

15 Ноя 2019 3

Нұрсұлтан Назарбаевтың 2017 жылы 12 сәуірдегі «Болашаққа бағдар: рухани жаңғыру» атты бағдарламалық мақаласында «ХХІ ғасырдағы ұлттық сана туралы» және «Таяу жылдардағы міндеттер» арқылы болашаққа қадам басудағы бірнеше сатыларды қамтитын рухани құндылықтарымызға байланысты мәселелер Елбасының көзқарасы ретінде сараланған.

ТШО IT Департаментімен кездесу өтті

14 Ноя 2019 20

13 қарашада ТШО-ның IT департаменті El-Mogazi Raddi менеджері бастаған Бағдарламалық инженерия кафедрасының студенттеріне 9 IT бағыты яғни деректер ғылымы (Data science), бизнес-аналитика, киберқауіпсіздік, мәліметтерді басқару, бұлтты есептеулер, Agile, нақты уақыт режиміндегі деректерді визуализациялау және цифрландыруы бойынша кездесу өткізді. Бұл іс-шара университеттің 70-жылдығын атап өту аясында бағдарламалық инженерия кафедрасында жоспарланған болатын.

ҰЛТТЫҚ ВАЛЮТА - ТЕҢГЕ КҮНІ

14 Ноя 2019 18

Қазақ елі үшін мән-маңызы жағынан беделі жоғары тұрған бір күн бар.