Жеңіс саябағы. Мәңгілік алау. Бабалар рухына тағзым.

    Ұлы Жеңістің 73-жылдық мерекесі қарсаңында Атырау қаласы тұрғындары мен қонақтары Жеңіс саябағына барып Мәңгілік алауға бас иіп бабалар рухына тағзым еткен болатын.

Шеруге шыққандардың қатарында Х.Досмұхамедов атындағы Атырау мемлекеттік университетінің профессор-оқытушылар құрамы мен қызметкерлері және студенттері де болды.

Қан майданда жаумен алысып, ұрпақ үшін, Отан үшін өз жандарын пида еткен ата-бабаларымыздың қанмен келген жеңісін бүгінгі ұрпақ бас ие отырып, еске алып мәңгілік алауға гүл шоқтарын қойды. Сонау 1941-1945 жылдары әр отбасының шаңырағын шайқалтқан, балаларды жетім еткен, жастарды қаршадайынан соғыс майданына жіберген, жесір қалған жас аналар мен арттарында қалған қарт әке-шешелерінің көз жасының төгілуі, осынау қырғын, зұлмат кезді бастан өткерген бабаларымыздың осы бір ерліктері әрқашан жас ұрпақтың жадында көзсіз ерлік болып қалары сөзсіз. Бүгінгі күнге дейін соғыстан оралмай із-түссіз жоғалып кеткен немесе сол майдан алаңында қаза тапқан туыс-туғандары мен бауырларын жоқтаған отбасыларды осы жеңіс күнінде ата-бабаларының рухы қолдасын. Әр жыл сайын 9-мамыр қарсаңында жауын жауып, аспанды қара түнек бұлттар торлап алатыны мәлім. Бұл осы қан майданда қыршын кеткен боздақтар мен сол зұлматқа лағынет айтқан қара халықтың көз жасы мен мұңы деп жатады. Бәлкім, бұлда бір Алланың құдіреті шығар.

Жеңісті, жемісті күндеріміз көп болсын!


 

Арайлым НАРЕШОВА


ПІКІРЛЕР

Тізімге қайта оралу

Хабарландыру!

9 Июл 2020 45