Халықаралық шәкіртақы иегерлері анықталды
Азербайжан Республикасы тәуелсіздігінің 100 жылдығы және Тұңғыш Президенті Гейдар Алиевтің 95 жылдығына орай университетімізде көрме ұйымдастырылып, «Командировка длиною в жизнь» киносының көрсетілімі болды.
Университет студенттері 2011 жылдан бері дәстүрлі түрде тағайындалып келген Азербайжан Республикасының Тұңғыш Президенті Гейдар Алиев атындағы шәкіртақы иегері атанды.
Жиынды оқу ісі жөніндегі проректор Гүлжан Жарасова құттықтау сөзімен ашты.
Қазақстанның Ақтау қаласындағы Азербайжан Республикасының Бас консулы Зейналов Эльхан Латиф оглы мен «Новруз» Азербайжан этномәдени қоғамдық бірлестігінің төрағасы Ахмедов Эльдар Мамед оглы арнайы келіп, оқу мен қатар қоғамдық жұмыстардағы белсенділігімен көзге түскен 5 студентке атаулы шәкіртақыны, сондай-ақ, университет басшылығы мен Қазақстан Халқы Ассамблеясы хатшылығының басшысы Шакірова Гүлмира Мүслімқызына арнайы Алғыс хат табыстады.
Биылғы халықаралық Азербайжан Республикасының Тұңғыш Президенті Гейдар Алиев атындағы шәкіртақыға Дене шынықтыру және спорт мамандығынан Жұмабай Парасат, Ашикбаев Раймбек, Бабаш Ерлан, Шетел тілі: екі шетел тілі мамандығынан Арыстан Фаризат, Дефектология мамандығынан Қожаева Әсемгүл ие болды.
ПІКІРЛЕР