«Каспий маңындағы UI GreenMetric World University Ranking» атты өңірлік семинар

«Каспий маңындағы UI GreenMetric World University Ranking» атты өңірлік семинар

    Халел Досмұхамедов атындағы Атырау мемлекеттік университетінде «Каспий аймағындағы UI GreenMetric World University Ranking» аймақтық семинар болып өтті.

Жиын мақсаты университеттерде тұрақты даму қағидаларын енгізу бойынша алдыңғы қатарлы әдістер, ақпараттармен және идеялармен озық тәжірибелер алмасу үшін ұлттық және халықаралық диалог алаңын құру болып табылады. Сондай - ақ, Әлемде және Каспий өңірінде экологиялық жағдайдың нашарлауы орнықты даму бастамаларын интеграциялау үшін диалогтық платформаларды қалыптастыру, азаматтық қоғамдағы экология мәселесін шешу, энергия үнемдеуді, су мен қоршаған ортаны қорғау мәселелерін шешу.

UI Green Metric World University рейтингі - 2010 жылы жарияланған Индонезия университетінің бастамасы. Айта кетейік, бүкіл әлем бойынша сараланатын UI Green Metric Халықаралық рейтингінде 619 жоғары оқу орындары арасынан Атырау мемлекеттік университеті 378 орынды иеленген болатын. «UI Green Metric» рейтингі әдістемесінде мынадай көрсеткіштер есепке алынады: экология саласындағы білім беру және ғылыми қызмет, энергия мен су ресурстарын үнемді қолдану, табиғатты тиімді пайдалану, қалдықтарды сақтау және қайта өңдеу, экологиялық таза көлік қолдану, студенттік кампус территориясындағы жас көшеттер аумағы және т.б. Әлем университеттерінің «UI Green Metric» «жасыл» рейтингі жыл сайын әр елдегі үздік ЖОО-ны анықтайды. Басты мақсат – білім, ғылым, жаңа инновациялар арқылы энергия үнемдеуші технологияларды дамыту, табиғат ресурстарын тиімді пайдалану, экологиялық проблемалардың алдын алу, заманауи білім сапасын көтеру.

Семинарды алғашқы құттықтау сөзімен Атырау университетінің ректоры Абзал Талтенов ашты.

Екі сессия бойынша өткізілген жиында UI Green Metric сарапшы маманы, Индонезия университетінің докторы Ньоман Суварата «UI Green Metric» рейтингі әдістемесі туралы кеңінен түсіндірді.

UI Green Metric сарапшы маманы, Индонезия университетінің докторы Байдури Виданарко «UI Green Metric» әдістемесінің критериалды бағалауы туралы баяндады.

Назарбаев университетінің UI Green Metric маманы Асель Бижанова осы жоба аясында Назарбаев унинверситетінің атқарылған жұмыстары мен жоспарлары туралы баяндады.

Сондай – ақ, екінші сессияда онлайн көрсетілім арқылы ресей университеті және т.б. қатысушылармен баяндамалар жүргізіліп, аталған мәселелер талқыланды.

Біздің университетте аталған критерияларға сәйкес келуі үшін ауқымды жұмыстар жасалынған болатын. атап айтсақ, бірегей инновациялық жоба – осы жылдың қыркүйегінен бастап жұмыс жасай бастаған айналмалы шатыр мен күрке іске енгізілді. Экокампус стратегиялық бағдарламасы қабылданды (бағдарлама кең ауқым иеленіп және университет қалашығындағы болып жатқан өзгерістерге әсер ету жолы мен университеттің қоршаған ортасына әсер етуді төмендетуге бағытталған), Эразмус+ бағдарламасы аясында SUSDEV жобасы жүзеге асырылуда. Сонымен қатар, білім беру жүйесіне экологиялық менеджмент бойынша курсы енгізілді, экологиялар бойынша ғылыми мақалалар жарияланып, суды үнемдеу бойынша шаралар жоспарланды, экологиялық қоқыс жәшіктері қондырылып, авто тұрақ орыны кеңейтілген болатын.


ПІКІРЛЕР

Тізімге қайта оралу

IT орталығы ашылды

21 Май 2018 65

Өңірімізде «Цифрлы Қазақстан», «Рухани жаңғыру», шағын және орта бизнесті қолдау бағытында мемлекеттік бағдарламаларды іске асыру мақсатында «Нұр Отан» партиясы Атырау облыстық филиалы мен Халел Досмұхамедов атындағы Атырау мемлекеттік университеті арасындағы өзара ынтымақтастық меморандумы аясында «IT орталығының» салтанаты ашылу рәсімі болып өтті.

100 жаңа оқулық жобасы

21 Май 2018 69

Елбасының «Болашаққа бағдар: рухани жаңғыру» мақаласы еліміздің дамуында ерекше орын алуда. «Жаңа гуманитарлық ғылым. Қазақ тіліндегі 100 жаңа оқулық» жобасы бойынша Х.Досмұхамедов атындағы Атырау мемлекеттік университетіне 17 түрлі кітап тапсырылды.

«Ашық есік» күні өтті

21 Май 2018 67

19 мамыр күні Х.Досмұхамедов атындағы Атырау мемлекеттік университетінде Атырау қаласының колледж түлектері үшін  Ашық есік күні өткізілді. Атаулы шараға Исатай ауданының түлектері және ата – аналар, ұстаздар да қатысты.

«Сәлем саған, Ақ-Жайық»

14 Май 2018 63

Биыл Құрманғазы Сағырбайұлының туғанына 200 жыл. Осыған орай  Құрманғазы атындағы қазақ мемлекеттік академиялық халық аспаптары оркестрі Атырау облысына гастрольдік сапармен келді.

Азия чемпионатынан алтын арқалады

14 Май 2018 42

Моңғол елінде Самбодан ересектер арасында Азия чемпионаты өтті.