Жұлдыз жобасында – жарқыраған жұлдыздар

Жұлдыз жобасында – жарқыраған жұлдыздар

25 сәуір күні Атырау мемлекеттік университетінде өзін-өзі басқару апталығы аясында «Екі жұлдыз» ән байқауы ұйымдастырылды. Университет қызметкерлері мен студенттері арасында өткен бұл шара оларды шығармашылыққа баулу, мәдени, рухани және отбасылық құндылықтарды сақтауға шақырады.

Университет аруы Дана Мұратова мен белсенді студенті Қуаныш Өтешовтың жүргізуімен болған кеште 13 жұп үміткерлер қатысты.

Көпжасар Меңдігереев - Гуманитарлық ғылымдар және өнер факультетінің «Қазақстан және дүниежүзі тарихы» кафедрасының аға оқытушысы және Аружан Төлеген - вокалдық өнер мамандығының 1 курс студенті, Айна Жасболатқызы - көптілді білім беру факультетінің хатшысы мен Серікқали Дархан - шетел тілі мамандығының 2 курс студенті, Айгүл Масалимова - экономика және құқық факультетінің «Экономика» кафедрасының оқытушысы және Қуаныш Жәрдемов - осы факультеттің 3 курс студенті, Айым Құспанова - инновациялық білім беру факультетінің декан орынбасары және Байғазы Мұхитов - «Дене шынықтыру және спорт» мамандығының 1 курс студенті, Балнур Кереева - білім алушыларға қызмет көрсету орталығының басшысы және Райымбек Кәрімұлы - вокалдық өнер мамандығының 1 курс студенті, Жалғас Бағытжанов - жастар саясаты департаментінің маманы және Ляззат Айтпаева - гуманитарлық ғылымдар және өнер факультетінің 2 курс студенті, Сәлімгерей Аймұратов - әлеуметтік гуманитарлық пәндер кафедрасының меңгерушісі, ф.ғ.к., доцент және Қалия Төребаева - көптілді білім беру факультетінің 1 курс студенті, Айман Мусаева - ғылым департаментінің директоры мен Нұрлан Серікбайұлы - жаратылыстану және ауыл шаруашылық факультетінің 1 курс студенті, Бекет Кенжегулов - физика, математика және ақпараттық технологиялар факультетінің деканы пен Ақерке Сатыбалдиева - экономика және құқық факультетінің 3 курс студенті, Арман Жұмағазиев - әкімшілік департаментінің директоры пен Мөлдір Өтегенова - экономика және құқық факультетінің 1 курс студенті, Гулнара Бердалиева - әскери кафедра оқытушысы мен Ізбасар Самиғоллаев - музыкалық білім мамандығының 1 курс студенті, Айгүл Сұлтанғалиева - психология және арнайы білім беру кафедрасының оқытушысы, магистр мен Бекслан Тұрсынов - вокалдық өнер мамандығының 1 курс студенті, Жұпар Билялова - физика, математика және ақпараттық технологиялар факультетінің оқытушысы және Рамазан Аманшиев - осы факультеттің 2 курс студенті.

Үміткерлерге әділ бағасын берген қазылар алқасы Н.Жантөрин атындағы облыстық филармонияның әншілері, ҚР мәдениет қайраткері – Ханзада Сақыпова мен ҚР еңбек сіңірген қайраткері – Қуандық Нұғмаров және Жас Отан ЖҚ мүшесі, облыс белсендісі Бекболат Амиржанов.

Айта кету керек, қатысушы жұптар жанды дауыста ән салып, сахналандырылған көрініс қойды. Байқау қорытындысы бойынша нәтиже мынадай:

1 орын -«Дос-Мұқасан» тобының әндерінен поппури орындаған Айгүл Масалимова мен Қуаныш Жардемов

2 орын - «Песенька про медведях» әнін сахналандырған Айман Мусаева мен Нұрлан Серікбайұлы

3 орын - «Тақиялы періште» әнін орындаған Гулнара Бердалиева мен Ізбасар Самиғоллаев.

Кеш соңында жеңімпаздарға дипломдар мен ақшалай сертификаттар табысталып, жұлдыздар «2 жұлдыз» гимнін орындады.

Шараның өткізілуіне кәсіподақ комитетінің төрағасы Қылышбай Сүндетұлы демеушілік жасады. 


ПІКІРЛЕР

Тізімге қайта оралу

Шетелдік ғалым дәріс оқуда

13 Ноя 2019 16

    Х.Досмұхамедов атындағы Атырау мемлекеттік университетінің "Химия және химиялық технологиялар" кафедрасында шетелдік ғалымдарды шақыру бағдарламасы бойынша ғалым, қауымдастырылған профессор, ғылыми-техникалық қолданбалы орталықтың PhD докторы Артвина Коруха өз жұмысын бастады.

Мәңгілік ел жастары – индустрияға!

13 Ноя 2019 24

Бүгін университетімізде ҚР Ақпарат және қоғамдық даму министрлігінің тапсырысымен Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы Жастар жылына арналған әлеуметтік жобасы аясында «Мәңгілік ел жастары - индустрияға» («Серпін») жобасы шеңберінде студенттермен кездесу өтті.

Әділетті жеңісімен құттықтаймыз!

13 Ноя 2019 16

Аталмыш шара жастар жылы аясында "Азаматтық бастамаларды қолдау орталығы" КЕАҚ-ның гранттық жобасы қолдауымен Атырау облысы Жоғарғы оқу орындары арасында Жастар ісі жөніндегі комитет басшыларының арасында өткен болатын.
Әділетті жеңісімен құттықтап, республикалық  конкурста сәттілік тілейміз.

Ерлан ерледі

12 Ноя 2019 36

Таяуда Ақтау қаласында  Yessenov University ұйымдастыруымен Жастар жылы аясында Қазақстан мұнайының 120 жылдығына арналған «Университет – ой-пікірлер аймағы» Yessenov Forum өтті.  Аталмыш шараға Х.Досмұхамедов атындағы Атырау мемлекеттік университетінен тарих мамандығының 4-курс студенті Баймағамбетов Ерлан қатысып, осы форум аясында өткен ғылыми-тәжірибелік конференцияда «Рухани жаңғыру бағдарламасы – тапсырмаларды шешуге арналған жаңа бағыт» секциясы бойынша жүлделі І орынды иеленді.

Сүндет Байғожин шеберлігімен бөлісті

12 Ноя 2019 25

9-шы қараша күні Х.Досмұхамедов атындағы Атырау мемлекеттік университетінде  ҚР еңбек сіңірген қайраткері, Құрмет орденінің иегері, Астана Опера тетарының жетекші әншісі Сүндет Байғожин Музыка және өнер кафедрасының студенттері мен вокал оқытушыларына арналған шеберлік сыныбын өткізді.