Ұлт зиялысы

24 сәуір күні Алаш ардақтысы, Батыс Алашорданың негізін салушылардың бірі, энциклопедист-ғалым Халел Досмұхамедовтың туған күні.

Әмбебап ғалымның туғанына биыл 135 жыл толуына орай, студенттер мен профессор-оқытушылар салтанатты гүл шоқтарын қою рәсіміне қатысты. Салтанатты рәсім барысында университеттің ғылыми істер жөніндегі проректоры Саламат Нұрмұханұлы, п.ғ.к. Ғабит Бағытжанұлы, т.ғ.к. Қылышбай Сүндетұлы құттықтау тілектерін білдірді. Гүл шоқтар қою рәсімінен кейін «Халелтану: тағылым, жаңа көзқарас» тақырыбындағы студенттерге арналған ғылыми тәжірибелік семинар жұмысы болып өтті. Семинар мәжілісін "Педагогика кафедра лабораториясының меңгерушісі, педагогика ғылымдарының докторы, профессор Шолпан Жанұзақова және профессор Роза Қаражігітова сөз сөйлеп, қатысушы студенттерге сәттілік тілеп, ықыластарын білдірді. Семинарға жалпы саны онға жуық студент ғылыми баяндамаларын жасап, ғылыми танымдық ойларын ортаға салды. Мәселен, химия мамандығының бірінші курс студенті Рахметова Гүлжазира "Х.Досмұхамедовтың еңбектеріне жаңаша көзқарас" атты баяндамасы үздік баяндамалардың қатарынан табылды. Сондай-ақ семинар соңында өткізілген викториналық ойында топ жарды. Тарих мамандығының екінші курс студенті Баймағамбетов Ерлан "Рухани жаңғыру және Алаш зиялысы" атты баяндамасы профессор-оқытушылардың көңілінен шықты. Филология мамандығының екінші курс студенті Шакиров Заманбек өзінің Х.Досмұхамедовтың лингвистикалық мұрасы атты баяндамасында Халел ұсынған латын әліпбиі мен қазіргі апробациядағы латын әліпбиінің нұсқаларын салыстырып, ғылыми негіз жасаса, шет тілі мамандығының екінші курс студенті Мұстафаева Ұлпан ағартушы ғалымның ғылыми еңбектерінің құндылығы жөнінде мәлім етті. Семинар соңында барлық қатысушылар арнайы кітаптармен марапатталды.

ПІКІРЛЕР

Тізімге қайта оралу

Хабарландыру!

9 Июл 2020 46