Студенттер мен магистранттардың ғылыми конференциясы

Студенттер мен магистранттардың ғылыми конференциясы

Ғылым күні қызметкерлері күніне орай өткен ғылым апталығы аясында гуманитарлық ғылымдар және өнер факультетінде «Жастар және ғылым» атты дәстүрлі студенттер мен магистранттардың конференциясы өтті. Конференция студенттер мен магистранттар, жас зерттеушілердің ғылыми және шығармашылық белсенділігін арттыру,  дарынды және ынталы жастар үшін тиімді коммуникативтік алаң құру мақсатында ұйымдастырылды.

Конференция барысында жастар өзара ғылыми-шығармашылық байланыс орнату, ізденіс бағыттары бойынша идеялары мен жобаларды ұсыну дағдыларын қалыптастырып, үлкен аудиторияларда таныстырылымдар өткізу, сөйлеу мәдениетін шыңдауды үйренді.

11 сәуірде университеттің Қазақстан және дүниежүзі тарихы кафедрасының ұйымдастыруымен өткен конференцияға тарих мамандығының студенттері мен магистранттары қатысты.

«Ғылым және жастар» тақырыбындағы конференцияны кіріспе сөзбен ашқан тарих ғылымдарының докторы Лесқали Бердіғожин Мемлекет басшысының «Рухани жаңғыру» бағдарламалық мақаласын жүзеге асыру мақсатында жастардың ғылыми ізденістерге ден қоюын және тың тақырыптарға мән беруін атап өтті.

        Конференция барысында тарих мамандығының магистранттары Аслан Жанибековтың «С.Қондыбай: қазақ мифологиясына сына қағушы», Самал Оракованың «Материалы источников по военному искусству кочевников Центральной Азии в позднесредневековый период», Айкүміс Тұрарбекованың Қазақстанда алғашқы оқу орындарының бой көтеруі (1920-1940), Самал Молдашеваның «Қазақстанның этномәдени бірлестіктері көп этностық азаматтық қоғам дамуының факторы», Саяжан Маратованың «Қазақстан мен Түркия арасындағы қоғамдық-саяси және мәдени байланыс тарихы (Тәуелсіздік жылдарында)», 1-курс студенттері Ақбота Асанованың «Өлкетанушы - Мұрат Бектенов», 2-курс студенттері Ерлан Баймағамбетовтің «Жүздердің зерттелуі» және Ырысгүл Серікбайқызының «Қазақ қоғамындағы батырлар орны: Әлия Нұрмахамедқызы Молдағұлова» тақырыбындағы баяндамалары мазмұндылығымен ерекшеленді.

         Сондаяқ осы күні «Атамекен» тарихшылар клубының кезекті мәжілісі өтіп, жастардың ғылыми ізденушілік жұмысын ұйымдастыру, өлке тарихының ақтаңдақ беттерін зерттеуге үлес қосу жайында пікір алмасу өтті. Факультеттің белсенді жастары Рашид Самат, Алменова Айзада, клуб президенті Жүніс Байғалиев, Жалғасова Райымгүл, Еркебұлан Мутигуллин жастардың тарихи ұстанымды қалыптастыруда атқарылар жұмыстарға қатысты өз пікірлерімен бөлісті.

ПІКІРЛЕР

Тізімге қайта оралу

Бүгін «НұрОтан» партиясының хатшысы -ҒабидоллаАбдоллаұлы Х.Досмұхамедов атындағы Атырау мемлекеттік университетінде болды

12 Сен 2019 21

Партия хатшысы алдымен оқу орнымен танысып, жастармен кездесу өткізді. Мұнда Президент Жолдауы жайында әңгімелер өріліп, Жолдауды іске асыру жолдары тілге тиек етілді. Жастармен кездесуде ашық әңгіме жүргізген Ғабидолла Абдоллаұлы жатақхана мәселесін де сөз етті. Студенттердің жатын орындарымен танысып, мән-жайды білген партия хатшысы өз сөзін былайша өрбітті.

Жолдауды талдау

12 Сен 2019 34

    ҚазақстанРеспубликасының Президенті Қ.К. Тоқаевтың «Сындарлы қоғамдық диалог – қазақстанның тұрақтылығы мен өркендеуінің негізі» – атты Қазақстан халқына Жолдауы 5 қыркүйек күні Атырау қаласының халыққа көмек көрсету орталығында  талқыланды.
    

Бизнеске бастар жол

12 Сен 2019 14

Бүгін университетімізде  Қазақстан Республикасы Қоғамдық даму министрлігінің мемлекеттік тапсырмасы шеңберінде «Жастар» ғылыми-зерттеу орталығы  «Мемлекеттік бағдарламалар арқылы жастарға кәсіпкерлікті қалай ашып, дамытуға болады» тақырыбында вебинар өткізді.