Жігерлі жастар жүлделі оралды
Х.Досмұхамедов атындағы Атырау мемлекеттік университеті Экономика және құқық факультеті Қаржы және есеп кафедрасы 5В050800 Есеп және аудит мамандығы 2 курс студенттері Төлеуғали Ақылбек және Хатенов Мейрамбек халықаралық ғылыми тәжірибелік конференциядан жүлделі оралды.
Алғашында іріктеу турынан өткен студенттеріміз 2018 жылдың 12-13 сәуір күндері Қазтұтынуодағы Қарағанды экономикалық университеті өткізген «Жаңа буын. Жаңа энергия. Жаңадәуір» атты студенттердің Халықаралық Слетіне, оның аясында «Заманауи әлем және жастар: көзқарастармен даму диалектикасы» халықаралық ғылыми тәжірибелік конференциясына қатысып, «Кәсіпкерлердің бухгалтерлік есебін қарқынды игеруде «5СИС» жүйесін қолдану» тақырыбындағы ғылыми жұмыстарын ұсынды. Нәтижесінде жүлделі 1 дәрежедегі дипломға ие болды. Аталмыш университет ректоры Е.Б.Аймағамбетовтың атынан талантты және жігерлі жастар тәрбиелеудегі еңбегі үшін ректорымыз А.А.Талтенов, жұмыс жетекшілері Ш.С.Сисенгалиева, С.Б.Жұбанова Алғыс хатпен марапатталды.
ПІКІРЛЕР