Университетте «Ашық есік» күні өтті
15 сәуір күні Х.Досмұхамедов атындағы Атырау мемлекеттік университетінің мәдени-спорттық кешенінде Ашық есік күні және STEAM фестиваль өткізілген болатын.
Атырау мемлекеттік университеті мен Халықаралық жастар қоры, Bolashak Engineering компаниясы бірлесіп ұйымдастырлған бұл шараға Атырау каласының 63 мектебінен 2000-ға жуық түлектер, ата – аналар және ұстаздар қатысты.
Шара аясында университеттің әр факультеті шеберлік-сыныптарымен таныстырылымдар, көрмелер өткізді. Атап өтсек:
Физика, математика және ақпараттық технологиялар факультеті Робототехника бойынша Arduino платформасында светодиодтар пайдаланып, бағдаршам жасап, Ноутбуктың операциялық жүйесін, драйверлерді және қосымша программаларды орнатуды көрсетті.
«Инновациялық білім беру» факультеті оқушыларды ҰБТ-ға дайындау мақсатындағы психологиялық тренингтер өткізіп, сонымен қатар мамандық таңдауға байланысты кәсіби бағдар жүргізіп, маман кеңестері берілді. Дефектолог-логопедтің қызметін көрсететін құрал-жабдықтармен таныстырды. М.Монтессори технологиясын қолданудың әдіс-тәсілдері және құм терапиясының маңызы, мақсаты, пайдалану әдістерін кеңінен түсіндірді.
Экономика және құқық факультеті Криминалистикалық лабораторияларда эксперимент жүргізуге байланысты мастер – кластар көрсетіп, Криминалдық полигон базасында көрініс жұмыстарын жүргізді.
Гуманитарлық ғылымдар және өнер факультеті музыка мамандықтарының студенттерінен құралған оркестр музыкалық шығармалар ойнап, әр мамандық өздрінің шығармашылықтарын паш етті.
Жаратылыстану және ауылшаруашылық ғылымдары факультеті мамандықтары бойынша көрме ұйымдастырды.
Көптілді білім беру факультеті English Only Space (EOS) кешенді тілдік студиясы және онда жүргізілетін жұмыстармен таныстырып, академиялық ұтқырлық бағдарламасы бойынша шетелде білім алып келген студенттермен кездесу ұйымдастырды.
Сонымен қоса, STEAM Фестивальі жастарға өткен замандағы технологиялар қазіргі кезде қалай жаңғырып, олардың бүгінгі күнде қолданылып жүрген салаларындағы маңызды рөлін көруге мүмкіндік береді.Қатысушылардың жасына байланысты Фестивальде STEM және өнер бағыттары бойынша бағдарламалардың демо-нұсқалары мен мастер-класстар ұсынылды. Бұл қолжетімді бағдарламалар Фестивальдің басты мақсатына жетуіне, яғни оқушылар мен студентттерге нақты ғылымдар саласындағы өз білімдерін тәжірибе жүзінде қолдануға мүмкіндік береді.
ПІКІРЛЕР