Ғылым апталығының күнделігі. Үшінші күн - 11 сәуір
Х.Досмұхамедов атындағы Атырау мемлекеттік университетінде 2018 жылдың 11 сәуірінде «Ғылым апталығы» аясында Психология және арнайы білім беру кафедрасының ұйымдастыруымен студенттер мен магистранттар арасында «Білімді ұрпақ – ел болашағы» атты ғылыми-тәжірибелік конференциясы өтті. Конференцияға 40-тан астам баяндамашы қатысты.
Конференция мақсаты: студенттердің ғылыми-зерттеу дағдыларын қалыптастырып, болашақ маманның заман талабына сай зерттеуші, басқарушы, практик деңгейінде шығармашылық бастамаларын дамытып, ғылыми үдеріс жетістіктерін тәжірибеде қолдануға бағыттау.
Конференция пленарлық мәжіліс жұмысынан басталды және әрі қарай екі бағыт бойынша жалғасты: «Психологиялық зерттеулер және қолданбалы психология мәселелері» (Педагогика және психология, Психология мамандықтары), «Дефектология және мектепке дейінгі, бастауыш сатыда білім берудің бүгіні мен келешегі» (Мектепке дейінгі оқыту және тәрбиелеу, Бастауышта оқытудың педагогикасы мен әдістемесі, Дефектология мамандықтары). Конференция соңында сертификаттар табысталды.
Сондай-ақ Экономика және құқық факультеті Қаржы және есеп кафедрасы Қазақстан Республикасы Президенті Н.Назарбаевтың Қазақстан халқына 2018 жылғы Жолдауын жүзеге асыру мақсатында және 12-сәуір Ғылым күніне орай «Қаржы және есеп саласындағы заңды нормативтік актілердегі өзгерістер мен толықтырулар» тақырыбында дөңгелек үстелді Бизнес-инкубатор және коворкинг «I-Spacе»-теөткізді. Бұл шараға осы салалардағы белді мамандар: «БанкЦентрКредит» АҚ Атырау филиалы бөлімшесінің бастығы Төлешов А.А., «Виктория» Сақтандыру компаниясының директоры Мендыхан Ж.С., Атырау облысы бойынша Мемлекеттік Кірістер Департаментінің түсіндіру басқармасының басшысы Сарманов Н.А., «Глобальная международная строительная услуга ЛТД» ЖШС бас бухгалтері Абдрахманова Б.Б., «ЕМГ СтройСервис-Атырау» ЖШС бас бухгалтері Сарсенғалиева А.Б. және факультет деканы э.ғ.к., доцент Утепкалиева К.М., кафедра меңгерушілері, «Қаржы және есеп» кафедрасының оқытушылары мен студенттері қатынасып, биылғы нормативтік актілердегі өзгерістер кеңінен әңгімеленіп, ақпараттық алмасулар болды.
Осы ұйымдармен болшақта екі жақты қарым-қатынасты жалғастыру мақсатында меморандумға отыруға қол жеткізілді.
ПІКІРЛЕР