Ғылым апталығының күнделігі. Екінші күн - 10сәуір
10 сәуір күні Х.Досмұхамедов атындағы Атырау мемлекеттік университетінде Ғылым күніне орай Көптілді білім беру, Жаратылыстану және ауылшаруашылық ғылымдары, Инновациялық білім беру факультеттері және Ғылым департаменті іс-шараларын ұйымдастырған болатын. Профессор-оқытушылар мен студенттер ғылыммен айналасуға ынталандыру мақсатында, дөңгелек үстел және көптеген зияткерлік-логикалық ойындар ұйымдастырды.
Көптілді білім беру факультетінде Ғылым апталығының жоспары бойынша «Үздік оқырман» атты 2-3 курс студенттері арасында дөңгелек үстел өткізілді. Бұл дөңгелек үстелдің мақсаты студент-жастарға кітап оқудың маңыздылығын, университет кітапханасындағы ғылыми баспалар, кітаптар, журналдармен таныстыра отырып, жастарды ғылыммен айналысуға баулу.
Кездесуге университет кітапханасының әдіскерлері К.Озғамбаева және Г.Абдигазиева шақырылып, пікірлері тыңдалды. Кітапхана әдіскерлері кітапханаға түскен жаңа кітаптар легімен таныстыра отырып, студенттер арасында жаһандану жағдайында жастардың кітап оқуға деген қызығушылығы, кітап оқудың артықшылықтары, маңыздылығы туралы пікірталасқа қатысты. Кездесу соңында «Үздік оқырманды» анықтау үшін студенттерге викториналық сұрақтар қойылып, сауалнама жүргізілді.
«Экологиялық мониторингтін ғылыми-зерттеу процесі» атты интеллектуалды ойынын Жаратылыстану және ауылшаруашылық ғылымдары факультеті ұйымдастырған болатын. Ойынның мақсаты -экологиялық мониторингті практикалық тұрғыда бақылау және студеттердің ғылыми – зерттеу ынтасын арттыру болып табылады.
Инновациялық білім беру факультеті жалпы ғылым дегеніміз, ғылымның зерттеу әдістері атты тақырыбын талқылады. Іс-шара ұстаздар мен студенттер арасында дөңгелек үстел және интеллектуалды ойындармен аяқталды.
Сонымен қатар Ғылым департаменті «Science café» отырысында ғылыми жобаларға қатысты тіркеу карталарын толтыру, керекті құжаттар мәселесін, патент және оның мақсаты мен түрлері туралы терең талқылады. Отырыс оқытушылар мен қызметкерлер тарапынан қызығушылық тудырып, болашақта ғылыми жобаларды жоспарлау үшін қажетті мәліметтер алды.
ПІКІРЛЕР